TikTok servisine ie ByteDance kompaniiasynyń negizin qalaýshy Chjan Imin Qytaidaǵy eń bai adamdardyń reitingisinde kósh bastap tur. Onyń bailyǵy 49,3 mlrd dollardy quraidy, dep jazady Dalanews.kz.
Bul týraly Reuters agenttigi Hurun ("Hýjýn") iskerlik basylymyna silteme jasap habarlady.
Basylym keltirgen málimetke sáikes, ByteDance-tiń jahandyq kirisi 2023 jyly 30% - ǵa ósip, 110 milliard dollarǵa jetti, al AQSh-taǵy TikTok qosymshasyn paidalanýshylar sany 200 millionǵa jetti.
Bótelkedegi sý óndirisiniń magnaty, 70 jastaǵy Chjýn Shanshan úsh jylda alǵash ret birinshi orynnan tómendep, onyń bailyǵy 47,9 milliard dollar boldy. Úshinshi oryndy 44,4 mlrd dollar tabysymen Tencent-tiń negizin qalaýshy Poni Ma ielendi. Ótken jyldyń sońyna qarai WeChat qosymshasyn paidalanýshylar sany 1,3 mlrd-qa jetti.
Qytaidaǵy eń bai adamdar reitingine 5 mlrd iýannan astam (shamamen 7 700 mln) bailyǵy bar 1094 adam kiredi. Onyń ishinde 753 kásipker dollar milliarderleri bolyp tabylady, bul 2023 jylmen salystyrǵanda 142 adamǵa az.
Aita ketsek,Chjan 1983 jyly Qytaidyń Fýtszian provintsiiasynda dúniege kelgen. Onyń ata-anasy memlekettik qyzmetkerler bolǵan. Chjan Iminniń esimi Qytaidyń "bir degennen barlyǵyn tań qaldyrý" degenqanatty sózben bailanystyrylady.
2005 jyly Chjan Nankai ýniversitetin bitirip, aldymen mikroelektronikany, sodan keiin baǵdarlamalaýdy oqydy. Chjan JOO-dan keiin Kuxun týristik startapynda jumys istedi.
"Men bastapqyda qarapaiym baǵdarlamashy boldym, biraq bir jyldan keiin 40-50 adamnan turatyn komandany basqardym", - deidi ózi.
Chjan biraz ýaqyt Microsoft korporatsiiasynda jumys istep, 2012 jyly ByteDance kompaniiasyn qurdy.
