TikTok سەرۆيسٸنە يە ByteDance كومپانيياسىنىڭ نەگٸزٸن قالاۋشى چجان يمين قىتايداعى ەڭ باي ادامداردىڭ رەيتينگٸسٸندە كٶش باستاپ تۇر. ونىڭ بايلىعى 49,3 ملرد دوللاردى قۇرايدى, دەپ جازادى Dalanews.kz.
بۇل تۋرالى Reuters اگەنتتٸگٸ Hurun ("حۋجۋن") ٸسكەرلٸك باسىلىمىنا سٸلتەمە جاساپ حابارلادى.
باسىلىم كەلتٸرگەن مەلٸمەتكە سەيكەس, ByteDance-تٸڭ جاھاندىق كٸرٸسٸ 2023 جىلى 30% - عا ٶسٸپ, 110 ميلليارد دوللارعا جەتتٸ, ال اقش-تاعى TikTok قوسىمشاسىن پايدالانۋشىلار سانى 200 ميلليونعا جەتتٸ.
بٶتەلكەدەگٸ سۋ ٶندٸرٸسٸنٸڭ ماگناتى, 70 جاستاعى چجۋن شانشان ٷش جىلدا العاش رەت بٸرٸنشٸ ورىننان تٶمەندەپ, ونىڭ بايلىعى 47,9 ميلليارد دوللار بولدى. ٷشٸنشٸ ورىندى 44,4 ملرد دوللار تابىسىمەن Tencent-تٸڭ نەگٸزٸن قالاۋشى پوني ما يەلەندٸ. ٶتكەن جىلدىڭ سوڭىنا قاراي WeChat قوسىمشاسىن پايدالانۋشىلار سانى 1,3 ملرد-قا جەتتٸ.
قىتايداعى ەڭ باي ادامدار رەيتينگٸنە 5 ملرد يۋاننان استام (شامامەن 7 700 ملن) بايلىعى بار 1094 ادام كٸرەدٸ. ونىڭ ٸشٸندە 753 كەسٸپكەر دوللار ميللياردەرلەرٸ بولىپ تابىلادى, بۇل 2023 جىلمەن سالىستىرعاندا 142 ادامعا از.
ايتا كەتسەك,چجان 1983 جىلى قىتايدىڭ فۋتسزيان پروۆينتسيياسىندا دٷنيەگە كەلگەن. ونىڭ اتا-اناسى مەملەكەتتٸك قىزمەتكەرلەر بولعان. چجان يميننٸڭ ەسٸمٸ قىتايدىڭ "بٸر دەگەننەن بارلىعىن تاڭ قالدىرۋ" دەگەنقاناتتى سٶزبەن بايلانىستىرىلادى.
2005 جىلى چجان نانكاي ۋنيۆەرسيتەتٸن بٸتٸرٸپ, الدىمەن ميكروەلەكترونيكانى, سودان كەيٸن باعدارلامالاۋدى وقىدى. چجان جوو-دان كەيٸن Kuxun تۋريستٸك ستارتاپىندا جۇمىس ٸستەدٸ.
"مەن باستاپقىدا قاراپايىم باعدارلاماشى بولدىم, بٸراق بٸر جىلدان كەيٸن 40-50 ادامنان تۇراتىن كوماندانى باسقاردىم", - دەيدٸ ٶزٸ.
چجان بٸراز ۋاقىت Microsoft كورپوراتسيياسىندا جۇمىس ٸستەپ, 2012 جىلى ByteDance كومپانيياسىن قۇردى.
