Taraz qalasynyń turǵyny TikTok áleýmettik jelisindegi tikelei efir barysynda qoǵamdyq tártipti buzǵany úshin ákimshilik jaýapkershilikke tartyldy, dep habarlaidy dalanews.kz
Politsiia málimetinshe, azamat áleýmettik jelidegi efir kezinde kópshilik aldynda balaǵat sózder aityp, ádepsiz minez-qulyq kórsetken. Osyǵan bailanysty quqyq qorǵaý organdary tekserý jumystaryn júrgizgen.
Tekserý barysynda «Taý adam» laqap atymen tirkelgen akkaýnttyń Taraz qalasynyń turǵyny Abzal Salihovqa tiesili ekeni anyqtalǵan.
Is sotta qaralyp, azamat ákimshilik quqyq buzýshylyq jasaǵany úshin kináli dep tanyldy.
Sot qaýlysymen oǵan 5 táýlik merzimge ákimshilik qamaý jazasy taǵaiyndaldy.
Quqyq qorǵaý organdary áleýmettik jelilerdegi jariialanymdar men tikelei efirlerde qoǵamdyq tártip pen ádep normalaryn saqtaýdyń mańyzyn eske saldy.
