"Teńiz" ken ornynda bolǵan tehnologiialyq irkiliske bailanysty oqiǵa ornynda jedel sharalar qabyldandy, dep habarlaidy Dala News.
Energetika ministri Erlan Aqkenjenovtiń tapsyrmasymen vitse-ministr Qaiyrhan Tutqyshbaev tikelei "Teńiz" ken ornynda júr. Ol jaǵdaidy baqylap, operator kompaniiamen ózara is-qimyldy úilestirýde.
Ministrliktiń málimetinshe, 18 qańtarda bolǵan gaztýrbinalyq qondyrǵylardyń ajyraýyna qatysty barlyq mán-jaidy anyqtaý úshin arnaiy komissiia qurylyp, jumysyn bastady. Onyń quramyna Memlekettik energetikalyq qadaǵalaý jáne baqylaý komitetiniń aýmaqtyq departamenti, Atyraý oblysy ákimdiginiń energetika basqarmasy, júielik operator KEGOC jáne "Teńizshevroil" kompaniiasynyń ókilderi endi.
Munai óndirýdiń ýaqytsha toqtatylýy operator tarapynan qaýipsizdik hattamalaryna sáikes qabyldanǵan. Bul sheshim personal men jabdyqty qorǵaý maqsatynda júzege asyrylǵan.
Qazirgi tańda komissiia oqiǵanyń sebepterin jan-jaqty tehnikalyq turǵyda taldap jatyr. Intsidenttiń sebepteri men saldaryna qatysty barlyq resmi qorytyndylar tek komissiia jumysy aiaqtalǵannan keiin jariialanatyn bolady.
Ministrlik jaǵdaidy tolyq baqylaýda ustap otyr.
