Atyraý oblysyndaǵy Teńiz ken ornynda órt shyqty. Oqiǵany "Teńizshevroil" kompaniiasy rastady, dep habarlaidy Dalanews.kz.
Joba operatorynyń málimetinshe, zardap shekkender joq. Kompaniia ókilderi qazir bolǵan jaǵdaidyń sebebin anyqtaý úshin tekseris júrgizilip jatqanyn habarlady. Sonymen qatar, óndiristik jaǵdaiǵa qatysty aqparat jariialanǵan joq.
Reuters agenttiginiń dereginshe, órt 11 naýryzda ken ornyndaǵy nysandardyń birinde bolǵan. Alaida bul jaǵdai munai óndirý kólemine áser etpegen, óndiris burynǵy rejimde jalǵasqan.
Aita keteiik, Teńiz - Qazaqstandaǵy eń iri munai ken oryndarynyń biri. Munda Teńiz jáne Korolev ken oryndary ornalasqan.
