Qazaqstan qarjygerleri qaýymdastyǵynyń sarapshylary jyl basynan beri ulttyq valiýta AQSh dollaryna shaqqanda 10,1%-ǵa qunsyzdanǵanyn atap kórsetedi, dep habarlaidy Dalanews.kz.
"Sársenbide Qazaqstan valiýta naryǵynda munai baǵasy tómendep, rýbldiń qatty quldyraýy jaǵdaiynda sheteldik valiýta kóptep satyldy. Ótken kúnniń birjadaǵy saýda-sattyq qorytyndysy boiynsha USD/KZT juby boiynsha 1 dollar baǵamy 500,42 teńge (+1,84 teńge) deńgeiine deiin ósti. Degenmen "anomaldy" saýda belsendiligi tirkeldi: saýda-sattyqtyń jiyntyq kólemi 455,4 mln dollardy (+252,3 mln) qurady. Sheteldik valiýtalardy satyp alý teńge jaǵdaiynyń nasharlaýy jáne emotsiiaǵa negizdelgen impýlsivti áreketterge bailanysty bolýy múmkin. Sondai-aq bul syrtqy qaryzǵa qyzmet kórsetý qajettiligi jáne taýarlar importy baǵamynyń maýsymdyq qymbatshylyǵyna da qatysty sekildi. Esterińizge sala ketsek, osy toqsanda syrtqy qaryz boiynsha tólemder 10,2 mlrd dollardy (+17%) quraýy múmkin, ol III-toqsanda 8,7 mlrd dollar bolǵan. Sonymen qatar, USD/KZT juby boiynsha sońǵy mámilede 1 AQSh dollarynyń baǵamy 502,7 teńgeni qurap otyr. Baǵamnyń qatty álsireýi (jyl basynan beri 10,1%-ǵa) QR Ulttyq banktiń erteńgi otyrysynda qarastyrylýy tiis degen bazalyq syiaqy mólsherlemesin tómendetý tsikline oralý múmkindigi týraly máseleni kún tártibinen ysyryp tastaýǵa qabiletti", dep jazady Qazaqstan qarjygerler qaýymdastyǵy valiýtaǵa naryǵyna jasaǵan sholýynda.
Aita ketsek,erteń, 29 qarashada QR Ulttyq banki kezekti otyrysyn ótkizip, bazalyq syiaqy mólsherlemesi boiynsha sheshimin jariialaýy kerek. Memleket basshysy Ulttyq bankke bazalyq syiaqy mólsherlemesin tómendetý tsikline oralý jaiyn qarastyrýdy tapsyrǵan bolatyn.
