2026 jyldyń alǵashqy jartyjyldyǵynda teńge AQSh dollaryna shaqqanda 5,1%-ǵa nyǵaidy. Bul týraly Úkimet otyrysynda Ulttyq bank tóraǵasy Timýr Súleimenov málimdedi, dep habarlaidy dalanews.kz.
Onyń aitýynsha, ulttyq valiýtanyń nyǵaiýyna birneshe negizgi faktor áser etken.
– Buǵan qalypty qatań aqsha-nesie saiasaty, sheteldik investorlardyń Qazaqstannyń memlekettik baǵaly qaǵazdaryna joǵary suranysy, Úkimet pen Ulttyq banktiń infliatsiiany tómendetýge baǵyttalǵan birlesken sharalary, sondai-aq qolaily syrtqy ekonomikalyq ahýal yqpal etti, – dedi Timýr Súleimenov.
Sonymen qatar Ulttyq bank basshysy 2026 jyldyń alǵashqy alty aiynda Ulttyq qordan 2,2 mlrd AQSh dollary kóleminde shetel valiýtasy satylǵanyn aitty.
Onyń sózinshe, úshinshi toqsanda Ulttyq bank ekonomikadan qosymsha shamamen 1,1 trln teńge kólemindegi ótimdilikti alyp qoiýdy josparlap otyr.
