Ulttyq ekonomika ministri Erbolat Dosaev Qazaqstannyń áleýmettik-ekonomikalyq damýyna qatysty jańalanǵan boljam boiynsha, munaidyń barreli 30 dollar, dollar baǵamy 360 teńge bolǵan jaǵdaida, JIÓ biylǵy ósimi 0,5 paiyz deńgeiinde bolatyny boljanǵanyn málimdedi.
Úkimet otyrysynan soń Dosaev munaidyń ortashy jyldyq baǵasyn «halyqaralyq qarjy uiymdary men investitsiialyq bankterdiń munai barrelin 40 tan 30 dollar aralyǵynda» boljaýyna bailanysty tómendetkenderin, al dollardyń aiyrbas baǵamy byltyrǵy qarashada bekitilgen 300 teńgeden 360 teńgege óskenin habarlady. «Biz báribir jaqsy aimaqta turmyz», — dedi ulttyq ekonomika ministri.
Ministr sonymen birge, Qazaqstandaǵy indýstrialdy-innovatsiialyq jobalar respýblika biýdjetiniń múmkindigine qarai júzege asyrylatynyn, osyǵan bailanysty memlekettik baǵdarlamany tekserý naýryz aiynda aiaqtalatynyn málimdedi.
Dosaevtyń sózinshe, qazaqstandyq ekonomika "jańa kezeńge aiaq basqandyqtan", úkimet el damýynyń 2050 jylǵa deiingi strategiialyq jańa josparyn ázirlemek.
