ۇلتتىق ەكونوميكا ءمينيسترى ەربولات دوسايەۆ قازاقستاننىڭ الەۋمەتتىك-ەكونوميكالىق دامۋىنا قاتىستى جاڭالانعان بولجام بويىنشا، مۇنايدىڭ باررەلى 30 دوللار، دوللار باعامى 360 تەڭگە بولعان جاعدايدا، ءجىو بيىلعى ءوسىمى 0،5 پايىز دەڭگەيىندە بولاتىنى بولجانعانىن مالىمدەدى.
ۇكىمەت وتىرىسىنان سوڭ دوسايەۆ مۇنايدىڭ ورتاشى جىلدىق باعاسىن «حالىقارالىق قارجى ۇيىمدارى مەن ينۆەستيسيالىق بانكتەردىڭ مۇناي باررەلىن 40 تان 30 دوللار ارالىعىندا» بولجاۋىنا بايلانىستى تومەندەتكەندەرىن، ال دوللاردىڭ ايىرباس باعامى بىلتىرعى قاراشادا بەكىتىلگەن 300 تەڭگەدەن 360 تەڭگەگە وسكەنىن حابارلادى. «ءبىز ءبارىبىر جاقسى ايماقتا تۇرمىز»، — دەدى ۇلتتىق ەكونوميكا ءمينيسترى.
مينيستر سونىمەن بىرگە، قازاقستانداعى يندۋستريالدى-يننوۆاسيالىق جوبالار رەسپۋبليكا بيۋدجەتىنىڭ مۇمكىندىگىنە قاراي جۇزەگە اسىرىلاتىنىن، وسىعان بايلانىستى مەملەكەتتىك باعدارلامانى تەكسەرۋ ناۋرىز ايىندا اياقتالاتىنىن مالىمدەدى.
دوسايەۆتىڭ سوزىنشە، قازاقستاندىق ەكونوميكا "جاڭا كەزەڭگە اياق باسقاندىقتان"، ۇكىمەت ەل دامۋىنىڭ 2050 جىلعا دەيىنگى ستراتەگيالىق جاڭا جوسپارىن ازىرلەمەك.
