19 shilde kúni Temirtaýdaǵy "Qarmet Park" ("Eńbek dańqy saiabaǵy") aýmaǵynda Kia Basketball Fest ótti. Is-sharany Allur avtomobil kompaniiasynyń quramyna kiretin Kia brendi Qazaqstandaǵy iri taý-ken metallýrgiialyq kompaniia Qarmet-pen birlesip uiymdastyrdy, dep habarlaidy dalanews.kz.
Festival Metallýrgter kúnine orai ótti. Onyń aiasynda qalaǵa syilyq retinde FIBA 3×3 standarttaryna sai salynǵan basketbol alańy ashyldy.
Festivalge 9 500-den astam adam qatysty.
3×3 týrniri úsh sanat boiynsha ótti. Oiyndarǵa ulttyq jáne halyqaralyq sanattaǵy tóreshiler qazylyq etip, jarys FIBA 3×3 erejeleri boiynsha uiymdastyryldy.
Jeńimpazdar:
- Men PRO: Samal Dragon, MVP – Jáńgir Dúisenov;
- U18 jasóspirimder: «Djabdjiki», MVP – Erkebulan Qanat;
- U18 qyzdar: «Qaraǵandy», MVP – Alina Ámirhanova.
Media Basket kórmelik matchyna Qazaqstan sahnasynyń tanymal ókilderi qatysty. Olardyń qatarynda RaiM, SHIZA, LEGORUS, SHYNGYS, SIXO, KUSH, SOLAKAI, AITKALI, RUSLAN, KALI, MIRONOV, BAHA, ROBERT PAN, ALGA PETERBURG jáne NURMANBETOV MADIYAR boldy. Matchta RaiM komandasy jeńiske jetti.
Festival keshin hedlainerler RaiM men SHIZA qorytyndylady. Olardyń óneri bas sahna aldyna jinalǵan kórermenderdiń zor qoshemetine bólendi.
Kia Basketball Fest bir kúndik festival retinde ǵana qalyp qoimai, jańa dástúrdiń bastaýyna ainaldy. Endi Temirtaýdaǵy Metallýrgter kúni qalalyq sport keńistikteriniń ashylýymen jáne búkil otbasyǵa arnalǵan aýqymdy merekemen bailanysty bolmaq.
Festivaldiń seriktesteri – Kia, Qarmet jáne Temirtaý qalasynyń ákimdigi.
