«Temirjol vokzaly alleiasynyń» ashylýrásimi ótti
Alleiada san alýan zamandy basynan keshken Taraz shaharynyń tarihynan syr shertetin stela ornatylǵan. Onda «táńir» degen sóz jazylǵan. Óńirimizden ǵulamalardyń da shyqqanyn kórsetetin qaýyrsyn, Jambyl babamyzdyń dombyrasy, Yqylas kúishiniń qobyzy beinelengen.
Atalmysh nysandy saltanatty túrde ashý mártebesi Jambyl oblysynyń Qurmetti azamaty, «100 jańa esim» jobasynyń jeńimpazy Sembek Ábetaiuly Seidazimov jáne temir jol salasynyń ardageri, Taraz qalasynyń qurmetti azamaty Saǵymbek Aqshalovqa berildi.
Sharanyń qurmetti qonaqtary stelanyń saltanatty lentasyn qiǵannan soń arnaiy sóz aldy. Óz sózderinde S. Seidazimov pen S. Aqshalov kóne shaharǵa temir jol jelisimen kelgen qonaqtar úshin onyń kelbetin kórsetetin osy vokzal mańy ekenin aityp, ashylyp otyrǵan nysan qonaqtarǵa Tarazdyń tarihi qala ekenin aishyqtap kórsetetinin tilge tiek etti.
Esterińizge sala keteiik, atalmysh eskertkishten bólek búgin qala kóleminde Jambyl aqynnyń eskertkishi, oblys ákimdiginiń ǵimaraty mańynda jáne ortalyq «Dostyq» alańynda túrli-tústi sazdy áýen yrǵaǵymen oinaityn tórt sýburqaq paidalanýǵa berildi.
Jeńis saiabaǵynda ornalasqan «Tyl eńbekkerlerine», «Aýǵan soǵysynyń ardagerlerine», «Chernobl apatyna qatysýshylarǵa» arnalǵan eskertkishter ashylady.
Sondai-aq búgin qalamyzda «Jeltoqsan tolqyny» ataýymen elimizdegi eń uzyn ári maǵynasy zor sýburqaq, tolyq qaita jańǵyrtýdan ótken Qairat Rysqulbekov atyndaǵy saiabaǵynda Halyq qaharmanynyń eskertkishi, Jeltoqsan oqiǵasyna qatysýshylarǵa arnalǵan «Táýelsizdik ushqyny alleiasy», «Ǵibrat» ortalyǵy ashylmaq.
Sonymen qatar, tarazdyqtar «Úshbulaq» jaǵalaýyndaǵy demalys aýmaǵynyń ashylýyn tamashalaidy.
08 INFO
