Telegramdaǵy belgili arnanyń ákimshileri ustaldy. Olar anonim túrde tanymal adamdardyń ar-namysyna tietin jazbalar jariialap, olardan aqsha talap etip otyrǵan, - dep habarlaidy Dalanews.kz.
Bul týraly belgili jýrnalist Mihail Kozachkov jazdy.
"Kópshiligińiz QirSabyn anonimdi arnasynda jalǵan jáne óte arsyz aqparat jariialaýǵa qatysy bar adamdardyń ustalǵanyn estigen shyǵarsyzdar. Bul platforma tanymal tulǵalar týraly túrli jaǵymsyz oqiǵalardy, ǵashyqtar nemese kóńildester týraly jalǵan áńgimelerdi taratýǵa mamandanǵan. Ýaqyt óte bul aqparattardy óshirip, jariialanǵan keiipkerlerden aqsha bopsalap otyrǵan",- deidi jýrnalist.
Kozachkovtyń derekteri boiynsha keshe, 18 jeltoqsanda tergeý nusqasy boiynsha, osy shemany uiymdastyrǵan adamdar anyqtaldy.
"Barlyǵy eki aryzdan bastalǵan: birinshisin iri qurylys kompaniiasynyń iesiniń jubaiy, ekinshisin joǵary laýazymdy quqyq qorǵaý qyzmetkeriniń uly UQK-ǵa jazǵan.
Eki shaǵym bir óndiriske biriktirilip, is «Erekshe iri kólemde bopsalaý» baby boiynsha kvalifikatsiialanǵan. Tergeýdi IIM men UQK qyzmetkerlerinen qurylǵan vedomstvoaralyq jedel-tergeý tobyna tapsyrdy, al olarǵa QMA mamandary kómektesýde.
Tergeýshiler aldymen aqshanyń izine tústi – eki jábirlenýshi de materialdardy óshirý úshin iri somalar tólegen, sol tólemder arqyly kúdiktilerdi anyqtady.
Nátijesinde kripto-ámiian arqyly zańsyz syiaqy alǵan adam anyqtaldy. Sodan keiin onyń bailanystary arqyly basqa adamǵa jetti. Ekeýi de ustalyp, jaýap alyndy, sodan keiin arnanyń jumysyna qatysy bar basqa adamdar tabyldy", - deidi jýrnalist.
Telegram arnanyń ákimshileriniń árqaisynda óz róli bolǵan.
"Úsh adam materialdardy jazyp, aqshany qolma-qolǵa ainaldyrǵan, eki adam arnanyń ákimshileri bolǵan, al olardyń ústinde bir basshysy bolǵan – ol shemanyń uiymdastyrýshysy, oǵan kómekshi de kómektesken. Ázirge familiialardy jariialamaimyz.
Qazirgi ýaqytta QirSabyn arnasynyń jumysyna qatysy bar jeti adam anyqtaldy. Ekeýi ustalyp, kúdikti retinde tanyldy jáne olar kinálaryn moiyndady. Barlyq kúdiktilerdiń úilerinde jáne kólikterinde tintý júrgizildi, gadjetterdegi hattar men basqa da qujattar zerttelýde", - deidi Kozachkov.
Ol mundai áreketter úshin olarǵa tek bopsalaý men jalǵan aqparat taratý ǵana emes, uiymdasqan qylmystyq top qurý da taǵylýy múmkin dep sanaidy.
"Is boiynsha aryzdanýshylar sany da kóbeiýi múmkin – mendegi málimet boiynsha, anonimdi arnaǵa qatysty basqa organdarda qaralyp jatqan birneshe shaǵym bar", - deidi jýrnalist.
