تەلەگرامداعى بەلگىلى ارنانىڭ اكىمشىلەرى ۇستالدى. ولار انونيم تۇردە تانىمال ادامداردىڭ ار-نامىسىنا تيەتىن جازبالار جاريالاپ، ولاردان اقشا تالاپ ەتىپ وتىرعان، - دەپ حابارلايدى Dalanews.kz.
بۇل تۋرالى بەلگىلى جۋرناليست ميحايل كوزاچكوۆ جازدى.
"كوپشىلىگىڭىز QirSabyn ءانونيمدى ارناسىندا جالعان جانە وتە ارسىز اقپارات جاريالاۋعا قاتىسى بار ادامداردىڭ ۇستالعانىن ەستىگەن شىعارسىزدار. بۇل پلاتفورما تانىمال تۇلعالار تۋرالى ءتۇرلى جاعىمسىز وقيعالاردى، عاشىقتار نەمەسە كوڭىلدەستەر تۋرالى جالعان اڭگىمەلەردى تاراتۋعا ماماندانعان. ۋاقىت وتە بۇل اقپاراتتاردى ءوشىرىپ، جاريالانعان كەيىپكەرلەردەن اقشا بوپسالاپ وتىرعان"،- دەيدى جۋرناليست.
كوزاچكوۆتىڭ دەرەكتەرى بويىنشا كەشە، 18 جەلتوقساندا تەرگەۋ نۇسقاسى بويىنشا، وسى سحەمانى ۇيىمداستىرعان ادامدار انىقتالدى.
"بارلىعى ەكى ارىزدان باستالعان: ءبىرىنشىسىن ءىرى قۇرىلىس كومپانياسىنىڭ يەسىنىڭ جۇبايى، ەكىنشىسىن جوعارى لاۋازىمدى قۇقىق قورعاۋ قىزمەتكەرىنىڭ ۇلى ۇقك-عا جازعان.
ەكى شاعىم ءبىر وندىرىسكە بىرىكتىرىلىپ، ءىس «ەرەكشە ءىرى كولەمدە بوپسالاۋ» بابى بويىنشا كۆاليفيكاسيالانعان. تەرگەۋدى ءىىم مەن ۇقك قىزمەتكەرلەرىنەن قۇرىلعان ۆەدومستۆوارالىق جەدەل-تەرگەۋ توبىنا تاپسىردى، ال ولارعا قما ماماندارى كومەكتەسۋدە.
تەرگەۋشىلەر الدىمەن اقشانىڭ ىزىنە ءتۇستى – ەكى جابىرلەنۋشى دە ماتەريالداردى ءوشىرۋ ءۇشىن ءىرى سومالار تولەگەن، سول تولەمدەر ارقىلى كۇدىكتىلەردى انىقتادى.
ناتيجەسىندە كريپتو-اميان ارقىلى زاڭسىز سىياقى العان ادام انىقتالدى. سودان كەيىن ونىڭ بايلانىستارى ارقىلى باسقا ادامعا جەتتى. ەكەۋى دە ۇستالىپ، جاۋاپ الىندى، سودان كەيىن ارنانىڭ جۇمىسىنا قاتىسى بار باسقا ادامدار تابىلدى"، - دەيدى جۋرناليست.
تەلەگرام ارنانىڭ اكىمشىلەرىنىڭ ءارقايسىندا ءوز ءرولى بولعان.
"ءۇش ادام ماتەريالداردى جازىپ، اقشانى قولما-قولعا اينالدىرعان، ەكى ادام ارنانىڭ اكىمشىلەرى بولعان، ال ولاردىڭ ۇستىندە ءبىر باسشىسى بولعان – ول سحەمانىڭ ۇيىمداستىرۋشىسى، وعان كومەكشى دە كومەكتەسكەن. ازىرگە فاميليالاردى جاريالامايمىز.
قازىرگى ۋاقىتتا QirSabyn ارناسىنىڭ جۇمىسىنا قاتىسى بار جەتى ادام انىقتالدى. ەكەۋى ۇستالىپ، كۇدىكتى رەتىندە تانىلدى جانە ولار كىنالارىن مويىندادى. بارلىق كۇدىكتىلەردىڭ ۇيلەرىندە جانە كولىكتەرىندە ءتىنتۋ جۇرگىزىلدى، گادجەتتەردەگى حاتتار مەن باسقا دا قۇجاتتار زەرتتەلۋدە"، - دەيدى كوزاچكوۆ.
ول مۇنداي ارەكەتتەر ءۇشىن ولارعا تەك بوپسالاۋ مەن جالعان اقپارات تاراتۋ عانا ەمەس، ۇيىمداسقان قىلمىستىق توپ قۇرۋ دا تاعىلۋى مۇمكىن دەپ سانايدى.
"ءىس بويىنشا ارىزدانۋشىلار سانى دا كوبەيۋى مۇمكىن – مەندەگى مالىمەت بويىنشا، ءانونيمدى ارناعا قاتىستى باسقا ورگانداردا قارالىپ جاتقان بىرنەشە شاعىم بار"، - دەيدى جۋرناليست.
