Telefonmen bylapyt sóz aıtqan aqtóbelik 130 myń teńgege jýyq aıyppul tóledi, dep habarlaıdy Dalanews.kz.
Aqtóbe oblysy Shalqar aýdanynyń turǵyny «103» qyzmetiniń dıspecherimen sóılesý kezinde balaǵat sózder qoldanǵan. Sonyń saldarynan ol medısına qyzmetkerine qyzmettik mindetin atqarý kezinde qurmetsizdik tanytqany úshin sotqa tartyldy.
Er adamǵa 10 táýlikke deıin ákimshilik qamaý jazasy qaýpi tóngen. Alaıda sot onyń kámeletke tolmaǵan balalary baryn, jasaǵan áreketine ókinish bildirgenin jáne dıspecherdiń ony keshirgenin eskerdi.
Nátıjesinde sot qamaý jazasynyń ornyna 129 750 teńge kóleminde aıyppul salýmen shekteldi. Sot qaýlysy zańdy kúshine endi.
