Aleksandr Babichev "Mobail Telekom-Servis" JShS (Tele2/Altel uialy operatory) basqarmasynyń tóraǵasy bolyp taǵaiyndaldy. Ol Sergei Nazarenkonyń ornyn basty, dep jazady Dalanews.kz.
Bul týraly kompaniianyń baspasóz qyzmeti habarlady.
Sońǵy bes jyl ishinde Aleksandr Babichev Tele2/Altel-diń kommertsiialyq baǵytyna basshylyq etti, sonymen qatar Mobile Telecom Service operatorynyń basqarma múshesi boldy. Ol INSEAD arqyly alynǵan joǵary býyn menedjerlerin daiarlaityn álemdegi jetekshi biznes mektepteriniń biri - Global Executive MBA stependiiasynyń iegeri.
Aleksandr Babichevtiń telekommýnikatsiia salasynda 20 jyldan astam jáne ártúrli naryqtarda Tele2/Altel biznesin damytý boiynsha 15 jyldan astam jumys tájiribesi bar.
Aita ketsek, alǵash ret "Qazaqtelekomnyń" Tele2/Altel brendterimen jumys isteitin óziniń mobildi aktivteriniń biri — "Mobail Telekom-Servisti" (MT-S) qatarlyq investorǵa satatyny týraly 2024 jyldyń aqpan aiynda belgili boldy . 2024 jyldyń maýsym aiynda TsDIAÓM basshysy Jaslan Mádiev mámile somasy 1 mlrd dollar bolatynyn shamalady (keiinirek bul somanyń 1,1 mlrd dollar ekeni naqtylandy). "Qazaqtelekom" 2019 jyldyń mamyr aiynan bastap jalǵyz aktsioner retinde MT-S-ti menshiktedi. Sodan keiin ol óziniń seriktesi — Tele2 kompaniiasynan Khan Tengri Holding B. V birlesken kásipornyndaǵy úlesin satyp aldy. 2025 jyly 14 qańtarda "Qazaqtelekomǵa" tiesili "Mobail Telekom-Servis" JShS-ny katarlyq kompaniianyń satyp alýy boiynsha mámile aiaqtaldy.
Bul taqyryppen ózektes saitymyzdaǵy "Qazaqtelekom" aktsiialary kúrt quldyrap, KASE ý-shý boldy. Sarapshylar ne deidi" degen maqalany da oqi otyryńyzdar.
