Qarjy naryǵyn retteý jáne damytý agenttigi óreskel buzýshylyqtardy birden 11 bankten anyqtady. Basy daýǵa qalǵan otandyq bankterdiń qandai buzýshylyqtarǵa jol bergeni ashyp aitylmaidy, biraq tuspal jasalady, dep habarlaidy Dalanews.kz.
Óreskel buzýshylyqtar anyqtalǵan kommertsiialyq bankter qatarynda mynalar bar:
- Halyk Bank,
- Eýraziialyq bank,
- Kaspi Bank,
- Altyn Bank,
- Bereke Bank,
- BTsK,
- Bank RBK,
- ForteBank,
- Home Credit Bank,
- Freedom Bank,
- Nurbank.
Retteýshi organ buzýshylyqtardyń túp mánin ashyp kórsetpeidi, biraq "Bankter týraly" Zańnyń 45-1 jáne 46-baptary talaptarynyń buzylýyna súienedi. Al bul arada yqtimal buzýshylyqtardyń keń tizimi keltirilgen: jekelegen operatsiialardan bastap top-menedjmenttiń zańsyz áreketterine deiin.
Máselen, 45-1-bapqa sáikes, eger banktiń nemese bank konglomeratynyń qarjylyq turaqtylyǵyna qaýip tónse, retteýshi salymshylardyń, klientterdiń jáne kreditorlardyń múddelerin qorǵaý úshin sharalar qoldanýǵa quqyly. Bul jái usynystar da, qatań shekteýler de bolýy múmkin.
Al 46-bap naqty qadamdardy qarastyrady, mysaly:
- Bankke táýekelderdi basqarýda osal tustardy shuǵyl túrde joiýdy talap etý;
- Qaita kapitaldandyrý jónindegi jospardy ázirleý jáne engizý (eger kapital jetkiliktiligimen problemalar anyqtalsa);
- Barlyq qyzmetti zań normalaryna sáikes keltirý;
Osyǵan qaraǵanda tekserý aýqymdy kólemde júrgizilgen. Bul tek tehnikalyq aqaýlar ǵana emes, sonymen qatar júielik máselelerdi de qamtýy múmkin.
Barlyq quqyq buzýshylarǵa jazbasha nusqama berilgeni de naqtylynady.
