Qazaqstanda tsifrlyq baqylaý júiesi arqyly dárihana jelilerinde tegin berilýi tiis 26 myńnan astam dári-dármek qaptamasynyń satylǵany anyqtaldy, dep habarlaidy dalanews.kz.
Memleket basshysynyń densaýlyq saqtaý salasyn tsifrlandyrý jónindegi tapsyrmalaryn oryndaý aiasynda elde dárilik zattardy tsifrlyq tańbalaý jáne qadaǵalaý júiesi jumys istep tur. Júie árbir dári qaptamasynyń óndirýshiden bastap patsientke deiingi qozǵalysyn baqylaýǵa jáne eldegi dári-dármek qoryn qadaǵalaýǵa múmkindik beredi.
«Tsifrlyq baqylaýdyń nátijesinde dárihana jelisi arqyly 26 myńnan astam qaptama tegin dárilik preparattyń satylǵany anyqtaldy. Anyqtalǵan faktiler boiynsha 106 meditsinalyq uiym men dárihanaǵa qatysty tekserý júrgizildi. 60-tan astam uiym ákimshilik jaýapkershilikke tartyldy, salynǵan aiyppuldardyń jalpy somasy 20 mln teńgeden asty. Aldyn ala esepteýler boiynsha keltirilgen zalal 36 mln teńgeden asady. Materialdar quqyq qorǵaý organdaryna joldandy», – dedi Densaýlyq saqtaý ministrligi Meditsinalyq jáne farmatsevtikalyq baqylaý komitetiniń tóraǵasy Baýyrjan Júsipov.
Onyń aitýynsha, tsifrlyq tańbalaý júiesi dárilik zattardyń zańsyz ainalymyn anyqtaýǵa jáne tegin dári-dármektiń belgilengen tártippen patsientterge jetýin baqylaýǵa múmkindik beredi.
Biyl qyrkúiek aiynan bastap tsifrlyq tańbalaý taǵamǵa biologiialyq belsendi qospalarǵa da engizildi. Al 2027 jyldan bastap júieni meditsinalyq maqsattaǵy buiymdarǵa qoldaný josparlanyp otyr.
