Aqtaýda tegin balmuzdaq taratqan kásipker jaýapkershilikke tartyldy, dep habarlaidy Dalanews.kz.
1 maýsym – Halyqaralyq balalardy qorǵaý kúni Aqtaýda oilamaǵan oqiǵaǵa sebep boldy. Áleýmettik jelilerde balmuzdaqqa talasqan halyqtyń videosy tarap, qoǵamda qyzý talqy týǵyzǵan edi. Bul jaǵdaidan keiin aktsiiany uiymdastyrǵan kásipker ákimshilik jaýapkershilikke tartyldy.
Balalar kiimin satatyn dúken iesi Roza Rymbaeva merekege orai balalarǵa tegin balmuzdaq taratýdy uiǵarǵan. Alaida qaiyrymdylyq sharasy tártipsizdikke ulasty: balmuzdaqqa tek balalar emes, eresekter de jappai kezekke turyp, bir-birimen jarysa bastaǵan.
Aqtaý ákimdigi bul aktsiia jergilikti atqarýshy organdarmen aldyn ala kelisilmei ótkizilgenin málimdedi. Nátijesinde kásipkerge zańsyz is-shara ótkizgeni úshin aiyppul salyndy.
"Is-shara jergilikti ákimdikpen kelisilmegen. Osyǵan bailanysty dúken iesine QR Ákimshilik quqyqbuzýshylyq týraly kodeksiniń 488-1-baby boiynsha 20 ailyq eseptik kórsetkish kóleminde aiyppul salyndy", - dep habarlady Aqtaý qalasy ákimdiginiń baspasóz qyzmeti.
Jeli qoldanýshylary bul jaǵdaiǵa túrli kózqaras tanytty. Biri tártipsizdikti halyq mádenietiniń tómendiginen kórse, endi biri sheneýnikterdiń tym qatań áreket etkenin synaýda.
