Respýblikalyq ekologiialyq "Taza Qazaqstan" aktsiiasy Túrkistan oblysynda qarqyndy júrýde. Aktsiia aiasynda búgin Arys qalasynda senbilik ótip, sharaǵa qalalyq máslihattardyń depýtattary, memlekettik mekemelerdiń qyzmetkerleri, eńbek ujymdarynyń ókilderi, qala jastary atsalysty, dep habarlaidy Dalanews.kz.
Ekobelsendiler aǵash túpterin áktep, jasyl jelektiń túpteri men jol jiekterin aramshópterden tazalady.
"Taza Qazaqstan" aktsiiasynyń basty maqsaty – úiimiz ben týǵan jerimizdi taza ustaý, qoqys shashpaý, halyq arasynda ekologiialyq saýattylyqty arttyrý, ekologiialyq mádenietti saqtaýdy úiretý.
«Taza Qazaqstan» aktsiiasy bastalǵan sáýir aiynan beri Túrkistan oblysy boiynsha oblystaǵy 2500-den astam bilim berý uiymdarynda (1421 balabaqsha, 1052 mektep, 50 kolledj) ekologiialyq mádenietti qalyptastyra otyryp, otansúigishtikke, tabiǵatty qorǵaýǵa, halyqty qorshaǵan ortany lastamaýǵa úiretý.
Balalardy tabiǵatqa uqypty qaraýǵa tárbieleitin 2000-ǵa jýyq ashyq sabaq, 650 kezdesý, 960 dóńgelek ústel ótkizilgen.
Aktsiia aiasynda oblysta meditsinalyq nysandardyń aýmaǵynda 10 957 dana túp aǵashtary otyrǵyzylyp, 61 842 aǵash túpterine ákteý jumystary júrgizildi.
Sondai-aq, oblys aýmaǵynda ornalasqan týristik nysandar aýmaqtaryna sanitarlyq tazalaý jumystaryn uiymdastyrý boiynsha ázirlengen jol kartasyna sáikes, Q.Iasaýi kesenesi, Otyrar qalashyǵy, Úkash-ata Kesenesi, «Shaǵa» týristik – rekratsiialyq ortalyǵy, «Aqmeshit» jerasty úńgiri, «Domalaq ana» kesenesi men bulaǵy, Bibi máriiam kesenesi, Shahan ata kesenesi, Úkasha Ata kesenesi, Gaýhar ana kesenesi, Arys mýzei ǵimaraty, Shammat Ishan mýzeii, Erýbaev mýzeii syndy kieli jáne tarihi oryndarda tazalyq aktsiialary uiymdastyryldy.
Sonymen qatar, Túrkistan oblysy Volonterlik uiymdardyń bastamasymen «Jas Túrkistan»eriktiler assotsiatsiiasy qurylyp, «Bul seniń óńiriń» aktsiiasy negizinde timbilding ótti.
Jastar «Taza Alem» ulttyq jobasy boiynsha «Qorshaǵan ortany taza ustaý - árbirazamattyń boryshy» taqyryby aiasynda jazǵy shomylý maýsymdaǵy ózen, kól mańdaryn tazalaýda.
Oblysqa qarasty aýdan, qalalarda «Taza Jaǵajai», «Óz ómiriń - óz qolyńda» taqyryby aiasynda, shomylý maýsymyndaǵy qaýipsizdiktiń aldyn alý maqsatyndaǵy únparaqshalar taratylýda. «Eko volonter» atty erikti jastar kieli ólkeler men ózen, taýlarda qoqys izdeý saiysy ótti.
Aktsiiaǵa atsalysyp júrgen Qazaqstan halqy Assambleiasynyń oblystyq 11 etno mádeni birlestikter músheleri ár senbi kúni aýmaqtyq senbilikterge belsene qatysyp keledi. 
Etnostar kóp ornalasqan Sairam, Saýran, Jetisai, Maqtaral, Keles,Tólebi aýdandarynda Assambleia jastary «Birligimiz jarasqan» taqyrybynda ploging saiystary arqyly ainalany tazartý aktsiialaryn dástúrli túrde ótkizýde.
Sairam aýdanynda «Qoqystan qundy zattar jasaý ideialary» júzege asyrylýda.
«Generation» qoǵamdyq birlestigi Sairam aýdanyndaǵy bilim berý uiymdarymen birlesken 36 ekologiialyq aktsiia ótkizdi. Atalǵan aktsiia boiynsha 15 tonnaǵa jýyq qaitalama shikizat satyp alynyp, qaita óńdeýge jiberildi. Bul rette, qoqysty arnaiy jerge aparýdyń qajeti joq, bul óz kezeginde ony aparatyn jol men jergilikti aimaqtardy taza ustaýǵa óz septigin tigizýde.
Topyraq sýlaryn qorǵaý jáne jerdiń tozýymen kúresý maqsatynda Tólebi aýdany, Lengir qalasynda ornalasqan múgedek balalardyń mektep-internaty úshin ekosantýalet qurylysyn júrgizý josparlanýda.
Oblysta ekologiialyq baǵytta 4 úkimettik emes uiym jumys jasaidy. «Ógem» qoǵamdyq birlestigin tarapynan tabiǵi aimaqty saqtap qalý maqsatynda ekoagrotýrizmdi damytý boiynsha jańa joba iske asýda. Atalǵan joba óńirge kelgen týristerge «jasyl» tehnologiialardy kúndelikti ómirge endirý boiynsha sheber-synyptar kórsetilip, demoýchaskelerde 16 saiahat júrgizildi. Tabiǵi jolmen energiia kózin ashyp, óńirdiń ekologiialyq jaǵdaiyn jaqsartý boiynsha da birqatar sharalar atqaryldy. «Ógem», «EKO-Atameken» qoǵamdyq birlestikteri Sairam-Ógem, Qarataý qoryqtaryndaǵy tabiǵatty qorǵaý maqsatynda 7 ekoaktsiia ótkizip, jergilikti turǵyndar men týristerdiń ekologiialyq mádenietin qalyptastyrýda úlesi erekshe boldy.
Aldaǵy ýaqytta «Qazavtojol» Ulttyq kompaniiasy» AQ arqyly Túrkistan oblysy aimaǵynda ornalasqan aqyly avtojoldardyń baqylaý beketterinen ótken avtokólik ielerine «Qurmetti jol júrgizýshi, tazalyq saqtap, jol boiynda qoqys tastamaýlaryńyzdy suraimyz! Bul – bizdiń Qazaqstan, bul – Taza Qazaqstan!» mátindi SMS-habarlamalardy jiberý josparlanýda.
Oblys ákimi Darhan Satybaldynyń bastamasymen «Úlgili aýyl» oblystyq baiqaýy bastaý aldy. Bul óz kezeginde «Taza Qazaqstan» ekologiialyq aktsiiasynyń jalǵasy bolyp tabylady.
Baiqaý eki kezeńnen turady: 1-kezeń – aýdandyq, iaǵni oblystaǵy 15 aýdan, qalada baiqaýdyń aýdandyq kezeńin ótkizý úshin arnaiy komissiialar qurylyp, 1 qyrkúiekke deiin qujattar qabyldanady. Jeńimpaz aýyldar oblystyq komissiiaǵa usynylyp, 1 qarashaǵa deiin «Úlgili aýyl» jeńimpazy anyqtalady. Ekologiialyq aktsiiany tabysty júzege asyrǵan aýyldar arasynan jeńip shyqqan júldegerge bir áleýmettik nysan salynady.
Biregei joba «TurkistanTV» telernasy efirinde «Úlgili aýla» telejobasy arqyly nasihattalýda.
Memleket basshysynyń tapsyrmasyna sáikes, osy baǵyttaǵy jumystar bir rettik aktsiia emes, elimizdi kógaldandyrý jáne abattandyrý baǵytyndaǵy turaqty túrde iske asyrylatyn jumystar bolyp jalǵasyn tabatyn bolady
