«Taza Qazaqstan» respýblikalyq ekologiialyq aktsiiasynyń «Kieli meken» aptalyǵy aiasynda Túrkistan qalasyndaǵy Q.A.Iasaýi kesenesiniń ainalasynda abattandyrý jáne kógaldandyrý jumystary júrgizilýde, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Búginde kesene aýmaǵyna 10 túrli gúldiń 62 myńnan astam kósheti otyrǵyzylǵan. Odan bólek, kesene tóńiregi tazalanyp, árleý jumystary atqarylýda.
Sonymen qatar, Túrkistan qalasynda jalpy aktsiia aiasynda kóktemgi ýaqytta 200 myń túp gúl, 104 myń dana tal kóshetteri otyrǵyzylyp jatyr. Atalǵan jumystarǵa 300-ge jýyq maman men 34 tehnika jumyldyrylǵan. Respýblikalyq-ekologiialyq aktsiia oblys aýmaǵynda 1 ai boiy jalǵasady.
Aita ketsek, shahar aýmaǵynda byltyr kóktem mezgilinde eýstoma, tájigúl, shafran, shalfei, tsinneia, geihera, gortenziia, raýshan, miks syndy jalpy 34 036 dana gúl egilgen. Al kúz mezgilinde raýshan gúl, hrizantema, gortenziia, qyzǵaldaq syndy jalpy sany 94 000 dana gúl egilgen bolatyn.
