Túrkistan oblysyna qarasty aýdan, qalalarda «Taza Qazaqstan» respýblikalyq ekologiialyq aktsiiasy aiasynda ótip jatqan «Taza ólke» aptalyǵynda abattandyrý, kógaldandyrý jáne tazalyq jumystary qarqyndy júrgizilip jatyr. Bul jumystar oblys ákimi Darhan Satybaldynyń tikelei qadaǵalaýynda, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Igi bastamaǵa Kentaý qalasy da belsendilik tanytýda. Qazirgi tańda qaladaǵy alleialardy abattandyrý jumystary júrgizilýde. Oryndyqtar men qoqys jáshikteri tazalanyp, syrlanyp, jaryqshamdar qalpyna keltirildi jáne taldardyń túpteri aǵartyldy. Qalanyń kireberis kelbetine kórik berý maqsatynda jerdi óńdep, jańartyp, qopsytý jumystary atqaryldy.
S.Seifýllin kóshesine 5 myń dana raýshan gúli otyrǵyzyldy. Odan bólek, kóshe qiylystaryna, alleialar men saiabaqtarǵa 20 myń dana raýshan gúlin jáne 40 myń dana birjyldyq gúlder otyrǵyzý josparlanýda. Abai dańǵyly boiyndaǵy K.Jumadilov atyndaǵy alleiaǵa shyrsha, qaraǵash kóshetteri otyrǵyzyldy. Oblystyq tabiǵi resýrstar jáne tabiǵat paidalanýdy retteý basqarmasynyń tarapynan 8500 túp qaraǵash kóshetteri úlestirilip, «Jasyl aimaq» ýchaskesine otyrǵyzý jumystary atqaryldy.
Sonymen qatar Saýran aýdanynyń turǵyndary da belsendilik tanytyp, abattandyrý jáne kógaldandyrý jumystaryna kiristi. Aýdan boiynsha kógaldandyrý, aǵashtardyń túbin qopsytý, otyrǵyzý oryndaryn daiyndaý, syrt kelbetin kóriktendirý boiynsha jumystar josparǵa sáikes atqarylýda. Naýryz aiynda Saýran aýdanyna qarasty 12 aýyldyq okrýgtiń ishki kósheleriniń boiy men iskerlik aýmaqtarǵa 25 myń túp qaraǵash pen úieńki otyrǵyzyldy. Sonymen qatar Shornaq meshitiniń 3,5 gektar aýmaǵyna 1000 túp jemis aǵashy egildi. Aldaǵy ýaqytta taǵy 26 myń túp aǵash kóshetin egý josparlanýda.
Sozaq aýdany turǵyndary da respýblikalyq aktsiiaǵa jergilikti ákimdikke qarasty jaýapty mekemelerdiń qyzmetkerlerimen birge belsendi qatysýda. Búginde aýdan ortalyǵyndaǵy «Abai» jáne «Táýelsizdik» saiabaqtaryna 2000-ǵa jýyq kóshet egilse, Sholaqqorǵan – Túrkistan baǵytyndaǵy «Jasyl beldeý» aýmaǵyna jańadan egilgen tal kóshetteriniń sany 4000-ǵa jýyqtady. Munda jańadan egilgen tal kóshetterin sharbaqpen qorshaý, tamshylatyp sýarý qondyrǵysyn ornatý sharalary júrgizilýde. Aýmaǵy 10 shaqyrymdy quraityn «Jasyl beldeý» aimaǵynda búginge deiin egilgen kóshetterdiń sany on myńnan asty.
Aita keteiik, naýqan 5 aptaǵa sozylady. 6 sáýirden bastalǵan igi shara 11 mamyrǵa deiin jalǵasyn tabady. Odan keiin osy jumystardy daǵdyǵa ainaldyrý kózdelgen. Ár aptanyń ózindik ataýy men naqty maqsattary bar. 6-13 sáýir aralyǵynda «Taza ólke» aptalyǵy ótse, 13-20 sáýir aralyǵynda – «Kieli meken», 20-27 sáýir aralyǵynda – «Jasyl aimaq», 27 sáýirden 4 mamyrǵa deiin «Ónegeli urpaq» aptalyǵy, 4 mamyrdan 11 mamyrǵa deiin «Móldir bulaq» aptalyǵy ótpek. Jumystar qarqyndy alǵasyn tabady.
