18 maýsymda Mańǵystaý aýdanynda "Taza Qazaqstan" respýblikalyq ekologiialyq aktsiiasy aiasynda kezekti tazalaý jumystary júrgizildi. Bul joly "Otpan taý" tarihi-mádeni kesheniniń aýmaǵy qoqystan tazartyldy. Eriktiler turmystyq qaldyqtardy jinap, ǵimarat ishinde de, oǵan irgeles aýmaqta da tazalyq jumystaryn júrgizdi, – dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap.
Aktsiiaǵa "Jasyl el" jastar jasaǵynyń 20-dan astam jastary belsendi qatysty. Qatysýshylar tarihi-mádeni keshendi taza jáne jaily ustaýdyń barlyq demalýshylar úshin mańyzdylyǵyn atap ótip, sondai-aq aýdan turǵyndary men qonaqtaryn qorshaǵan ortany taza ustaýǵa baǵyttady.
"Otpan taý" tarihi-mádeni kesheni Mańǵystaý aýdany Jyńǵyldy aýylynan shyǵysqa qarai 15 shaqyrym jerde ornalasqan. Buǵan deiin "Taza Qazaqstan" aktsiiasy aiasynda aýdanda "Ybyqty sai" shatqalynyń, Tobyqty jerindegi "Beket ata" jerasty meshitiniń, "Masat ata" qorymynyń aýmaǵynda, sondai-aq, Aqmysh pen Sherqalada senbilikter uiymdastyryldy. Sonymen qatar, Ońdy aýylynda 200 aǵash, Jyńǵyldy jáne Jarmysh aýyldarynda 100 aǵash jáne Shebir aýylynda 30 aǵash otyrǵyzylǵan bolatyn.
"Taza Qazaqstan" aktsiiasy aiasynda Túpqaraǵan aýdany Aqshuqyr aýylynda ornalasqan "Qoshqar ata" qorymynda tazalaý jumystary júrgizildi. Oǵan M. Óskinbaev atyndaǵy Mańǵystaý oblystyq filarmoniiasynyń qyzmetkerleri men Q. Sydiyqov atyndaǵy Mańǵystaý oblystyq ámbebap kitaphanasynyń qyzmetkerleri qatysty.
"Qoshqar ata" qorymy Aqtaý qalasynan 17 shaqyrym jerde soltústik-batys baǵytta ornalasqan. Qorym jergilikti mańyzy bar tarih jáne mádeniet eskertkishteriniń memlekettik tizimine, sondai-aq Mańǵystaý oblysynyń óńirlik mańyzy bar kieli obektileriniń tizimine engizilgen. Zertteý jumysynyń nátijesinde munda 81 tarihi eskertkish tirkelgen.
"Taza Qazaqstan" aktsiiasy Munaily aýdany Baiandy aýylynyń mańyndaǵy "Berdibek áýlie" qorymynyń aýmaǵynda jalǵasty. Aktsiiaǵa N.Jantórin atyndaǵy Mańǵystaý oblystyq mýzykalyq-drama teatrynyń ártisteri, Mańǵystaý oblysy Memlekettik muraǵatynyń ujymy, sondai-aq «Mańǵystaý oblysynyń mádeniet, tilderdi damytý jáne arhiv isi basqarmasyna qarasty "Otpan" MKQK ujymy óz úlesterin qosty.
Aqtaý qalasynan soltústik-shyǵysqa qarai 19,5 shaqyrym qashyqtyqta ornalasqan "Berdibek áýlie" qorymy jergilikti mańyzy bar tarih jáne mádeniet eskertkishteriniń memlekettik tizimine engizilgen. Qorymda qulpytastar, tas qorshaýlar jáne tastan jasalǵan ártúrli pishinder bar. Mundaǵy basty nysan kúmbeztamnyń eń ejelgisiniń qurylys tastary jartylai óńdelgen ulýtastardan saz balshyq aralastyrylyp kóldeneń qalanǵan.
Budan ári "Taza Qazaqstan" aktsiiasy Qaraqiia aýdanyndaǵy "Bozjyra" shatqalynyń aýmaǵynda jalǵasty. Jyl basynan beri "Jabaiushqan" memlekettik qoryǵynyń aýmaǵynda ornalasqan "Bozjyra" shatqalyna ártúrli elderden myńnan astam týrist kelip úlgerdi. Aimaqta týristerdiń kóp bolýyna bailanysty ártúrli qaldyqtar da kóp jinalady. Aktsiiaǵa "Qyzylsai memlekettik óńirlik parki" KMM inspektorlary men belsendi jastar qatysty. Aktsiia barysynda 20 qaptan astam túrli qoqys jinalyp, arnaiy poligonǵa jóneltildi.
Sonymen qatar, "Jabaiushqan" qoryǵynyń basshysy J.Esenǵaliev týristik aýmaqqa keletin jastarǵa aýmaqty taza ustaý, órt qaýipsizdigi erejelerine qatań nazar aýdarý, biik shyńdary bar jartastarǵa jaqyndamaý, barynsha qaýipsizdik sharalaryn saqtaý boiynsha túsindirý jumystaryn júrgizdi.
"Taza Qazaqstan" aktsiiasy aiasynda "Eko Mańǵystaý" ÚEU jańa ekologiialyq jobalar iske qosyldy. "Mańǵystaý Eko" úkimettik emes mekemesi JAO qoldaýymen óńirdiń ekologiialyq turaqtylyǵyn jaqsartýǵa, ekologiialyq habardarlyq deńgeiin arttyrýǵa jáne Mańǵystaý oblysynyń turǵyndary arasynda ekologiialyq qozǵalysty jandandyrýǵa baǵyttalǵan úsh mańyzdy ekologiialyq jobany iske qosý týraly jariialandy.
"Taza Qazaqstan" aktsiiasy aiasynda "Eko Mańǵystaý" ÚEU jańa ekologiialyq jobalar iske qosyldy. "Eko Mańǵystaý" úkimettik emes mekemesi JAO qoldaýymen óńirdiń ekologiialyq turaqtylyǵyn jaqsartýǵa, ekologiialyq saýattylyq deńgeiin arttyrýǵa jáne Mańǵystaý oblysynyń turǵyndary arasynda ekologiialyq qozǵalysty jandandyrýǵa baǵyttalǵan úsh mańyzdy ekologiialyq jobany iske qosý týraly jariialandy.
«EkoRevolut: jarqyn bolashaqqa arnalǵan innovatsiialar» jáne "EkoVzgliad: Mańǵystaý oblysyndaǵy tabiǵatqa qamqorlyq" jobalary. Bul jobalar mynalarǵa baǵyttalǵan:
- qatty turmystyq qaldyqtarmen jumys isteý júiesin jaqsartý.
- sýdy paidalaný tiimdiligin arttyrý.
- oblys turǵyndary arasynda ekologiialyq saýattylyq deńgeiin arttyrý jáne tabiǵatqa jaýapkershilikpen qaraýdy qalyptastyrý.
Josparlanǵan is-sharalarǵa mynalar kiredi:
- QTQ suryptaý jáne jinaý boiynsha tanystyrý aktsiialary;
- oqýshylar arasynda sýretter men beinerolikter konkýrstary;
- turǵyndar men kásipkerler arasynda Úzdik ekologiialyq tájiribeler baiqaýy;
- áleýmettik jelilerdegi aqparattyq-bilim berý naýqandary;
- BAQ pen blogerlerge arnalǵan konkýrstar;
- Osy jyly kúzde ótetin tabiǵattaǵy ekologiialyq aktsiialar.
Osy is-sharalardyń barlyǵy Prezident Qasym-Jomart Toqaevtyń qorshaǵan ortany qorǵaýǵa baǵyttalǵan "Taza Qazaqstan" bastamasyna sáikes keledi.
Joba " ECOVIBE AKTAU: Belsendilik. Innovatsiia. Qaýymdastyq". Bul Aqtaý qalasy ákimdiginiń bastamasymen alǵash ret uiymdastyrylyp otyrǵan joba.
- Aqtaýda turaqty ekologiialyq jáne áleýmettik jaýapty orta qurý;
- jastar men qoǵamdastyqty jandandyrý.
- qorshaǵan ortany jáne qoǵamdyq múlikti qorǵaýdyń innovatsiialyq tásilderin engizý.
Joba "Eń jaqsy aýla", "Eń jaqsy kireberis", "Eń jaqsy turǵyn úi" jáne "Eń jaqsy tazalyqshyny" anyqtaýǵa baǵyttalǵan "Transformatsiia" konkýrstaryn, sondai-aq mobilograftar arasynda kógaldandyrý, qaldyqtardy qaita óńdeý, energiia tiimdiligi, vandalizmge qarsy kúres jáne basqa da ekologiialyq taqyryptar týraly beinerolikter jasaýǵa arnalǵan konkýrsty qamtidy. "Eko Mańǵystaý" ÚEU barlyǵyn osy bastamalarǵa belsendi qatysýǵa shaqyrady. Sondai-aq Mańǵystaý oblysy úshin neǵurlym ornyqty jáne ekologiialyq qaýipsiz bolashaq qurýǵa óz úlesin qosýǵa úndeidi.
