Búgin – «Taza Qazaqstan» ekologıalyq aksıasy aıasynda uıymdastyrylǵan «Taza ólke» aptalyǵynyń úshinshi kúni. Búgin Qonaev qalasyndaǵy bilim berý uıymdarynyń, «Atameken» UKP-nyń qyzmetkerleri, etno-mádenı ortalyqtardyń músheleri (jalpy sany – 60-tan astam adam) Sıdranskıı men Dostyq kóshesin jalǵaıtyn aleıany qoqystan tazartty.

Naýqanǵa qatysýshylardyń biri ardager ustaz Baqyt Nurmaǵanbetova boldy.

«Qonaev qalasynyń turǵyny retinde jáne ardager ustaz retinde oqýshylardy, jalpy jurtshylyqty únemi qala tazalyǵyn saqtaýǵa, qoqysty daladaǵy arnaıy jáshikterge tastaýǵa shaqyramyn. Mundaı sharalar jıi uıymdastyrylyp, halyq arasynda keńinen nasıhattalýy tıis. Búgin men de óz úlesimdi qosý úshin arnaıy keldim», – dedi ustaz.

Aıta keteıik, «Taza Qazaqstan» naýqany 5 aptaǵa jalǵasady.