Qonaev qalasynda jaǵajailardy jańartý jumystary bastalyp, keibir kásipkerlerdiń nysandary súrilip jatyr, dep habarlaidy Dala News.
Bul týraly qala ákimdiginiń TÚKSh bóliminiń basshysy Timýr Aqmyrzaev málimdedi.
Onyń aitýynsha, №6 jáne №7 jaǵajailar shomylý maýsymyna deiin tolyq jańartylyp, jańa infraqurylymmen jabdyqtalady. Joba aiasynda vizit-ortalyq, 50-den astam biznes nysany, 53 kiim aýystyrý orny jáne 21 ájethana ornatylady. Sonymen qatar balalar oiyn alańdary, vorkaýt aimaqtary jáne jaǵajai sportyna arnalǵan oryndar salynady.
«Barlyq nysandar biryńǵai dizainmen jasalady. Qaýipsizdik pen kógaldandyrýǵa da erekshe kóńil bólinedi», – dedi Aqmyrzaev.
Jaǵajaiǵa jaiaý kirý tegin, tek avtoturaq úshin aqy alynady. Al biznes oryndary senimgerlik basqarý arqyly kásipkerlerge jalǵa beriledi.
Qazirgi tańda jaǵajaida burynnan jumys istep kelgen 40 kásipkerdiń nysandary buzylyp jatyr. Olardyń ishinde zań talaptaryn tolyq oryndaǵan 25 kásipkermen 5 jylǵa kelisimshart jasalǵan, al qalǵandary talaptardy oryndaǵan jaǵdaida ǵana qaita kelisimge otyra alady.
Ákimdik málimetinshe, jaǵajailardy jańartý jumystary turǵyndardyń antisanitariiaǵa qatysty jii shaǵymdaryna bailanysty qolǵa alynǵan.
Sondai-aq soltústik baǵyttaǵy jaǵajai da abattandyrylyp, aldaǵy ýaqytta qaladaǵy barlyq kommýnaldyq jaǵalaýlar kezeń-kezeńimen jańartylmaq.
