500 tonna pıaz
Geroıhan Qystaýbaevtyń aıtýynsha, Muhtar Taıjan Almaty oblysy, Qapshaǵaı qalasyna qarasty Sheńgeldi aýylynda pıaz ósirýmen aınalysatyn adamdardan jıyny 500 tonna pıaz alyp, aqshasyn bermeı ketken-mys. Buǵan qarymta jaýapta Muhtar Taıjan pıaz máselesinde eshkimdi aldamaǵanyn ári Sheńgeldi aýylyna baryp, «aqshamdy bermeı ketti» degen adamdarmen betpe-bet júzdesýge daıyn ekenin aıtty. Osymen, pıaz tóńiregindegi máselege eki jaqta núkte qoıǵandaı boldy.
Janat Esentaev jáne Muhtar Taıjan
Mamyr aıynda Jer kodeksindegi keıbir baptarǵa qatysty qoǵamda jer máselesi daýy órship, Atyraýda halyq mıtıńige shyǵyp, onyń arty ár aımaqta aksıa, mıtıńilerge ulasyp jatqan shaqta azamattyq belsendi Janat Esentaev ustalyp, qylmystyq kodekstiń 174-babymen aıyptalyp, qamalǵan edi. Tergeý ızolátorynda jatqan Esentaevqa Muhtar Taıjan barǵan edi. Debatta Geroıhan Qystaýbaev «týystarynyń ózin kezdestirmeı otyrǵan tergeýdegi adamǵa seni qalaı kirgizdi?» degen saýalyna Muhtar Taıjan Esentaevpen bas prokýratýranyń kómegimen barǵanyn jáne onymen kezdesýge kirmes buryn Oraldaǵy azamattyq belsendilermen jolyǵyp, Esentaevtyń otbasyna habarlasyp, barlyq tarappen aqyldasa kelip, sondaı sheshimge kelgenderin aıtty. Dálelderin kórsetti.
Taıjan áýleti
Geroıhan Qystaýbaev Muhtar Taıjannyń otbasyna qatysty da jaıttardy aıtty. Onyń ata-anasynyń ajyrasý, múlik bólisi jaıly sóz etti. Alaıda, Muhtar Taıjan naqty qujattar kórsetip, Geroıhan Qystaýbaevtyń sózderiniń negizsiz ekenin dáleldedi.
Jer reformasy jáne M.Taıjan
Stýdıada otyrǵan, aty-jónin atamaǵan belgisiz bir adam M.Taıjanǵa «Jer máselesi kezinde halyqty mıtıńige shyqpańdar dep úgittedi. Soǵan halyq renishti, men de renjiýlimin» dedi. Buǵan jaýap retinde Taıjan «Jas Alash» gazeti redaksıada jer máselesi boıynsha mıtıń ótkizýge ruqsat alý, ótkizý, uıymdastyrý máseleleri boıynsha ótken qoǵamdyq bastamanyń basy-qasynda bolǵanyn, odan keıin qurylǵan Jer reformasy jónindegi komısıa jumysynyń nátıjeli bolǵanyn aıtty. Ári suraq qoıǵan adamnyń aıtqanyn onyń jeke pikiri dep qabyldaıtynyn da atap ótti.
Debattyń aqyry
Debat sońynda M.Taıjan men G.Qystaýbaevqa bir-bir aýyz sóz aıtýǵa ýaqyt berildi. Taıjan óz kezeginde debatty uıymdastyrǵan redaksıaǵa rahmet aıtyp, Geroıhan Qystaýbaevqa jaýlyǵy joq ekenin, sol sebepti tatýlasýǵa shaqyrdy. Taıjan ortaǵa shyǵyp, Qystaýbaevpen qol alysty. Biraq, Qystaýbaev Taıjannyń áleýmettik jelide esimin burmalap, ájýa etkenin aıtyp, toqtamady. Sóıtip, debat ta aıaqtaldy.
Nura Mataı
DEREKKÓZ: Abai.kz
