"Toqaevtyń málimdemesin tyńdadym. Kóńilim tolmady. Ekonomikaǵa qatysty tusy tym shiki. Toqaevtyń búgingi málimdemesi Nazarbaevtyń osydan 5-10 jyl burynǵy baiandamasynan aiyrmashylyǵy shamaly boldy.
Sol baiaǵy saryn. 7 - 20 - 25 - tiń ornyn 5 -10 - 20 almastyrdy. Turǵyn úi bankiniń ornyna Otbasy banki keldi.
Ózgergen - baǵdarlama ataýy men banktiń mańdaishasyndaǵy jazý ǵana. Al túpki máni sol baiaǵy", – deidi Taijan.
Onyń pikirinshe memlekettiń aqshasyn únemdeý "Astana" qarjy ortalyǵy sekildi "qaiyrsyz" jobalardy jabýdan bastalady.
"Ekonomikada suranys bolmasa, halyq taqyr kedei bolsa, kreditti qalai alady? Statistikaǵa qarańyz, 7 - 20 -25 baǵdarlamasy óz-ózin aqtaǵan joq. Kúl-párshá boldy. Qaita qatelik jiberýdiń qajeti bar ma?
Memqarjyny iri bizneske kómektesýge baǵyttaý da aqylǵa syimaidy. Árbirden soń bul naryqtaǵy ádil básekeni býyndyrý. Sońǵy 20 jyl boiyna osyny estip kelemiz. Túzelgenimiz shamaly. Kerisinshe kúizeliske túsip, jemqorlar halyqtyń aqshasyn talan-tarajǵa salýda.
"Astana" qarjy ortalyǵyn múldem jabý kerek. Toqaev bolsa ony "qaita tiriltemiz" deidi. Bul memlekettiń aqshasyn rásýalaý. Qarjy ortalyǵynan halyqqa qaiyr joq!", – deidi saiasatker.
Onyń aitýynsha progressivti salyq salý da - jaqsylyqqa ákelmeidi. Memlekettiń maqsaty - bailarmen kúresý emes, kerisinshe kedeilerdiń sanyn azaitý bolsa kerek. Ainalyp kelgende munda da korrýptsiianyń kórigin qyzdyratyndar utady.
"Bul baiandamada kvazisektordyń úlesin tómendetý;
Jekemenshiktiń quqyn qorǵaý;
Sot biligin kúsheitý;
Monopolizmdi tizgindeý;
Memlekettik shyǵyndy azaitý;
Ekonomikada ádil báseke ornatý týraly másele kóteriledi dep boljaǵanmyn. Úmit aqtalmady. Baiaǵy jartas, sol jartas eken. Tiisinshe, nátijesi de baiaǵydai bolady. Ókinishti...
