Saiasatker Muhtar Taijannyń aitýynsha kezdesý 3,5 saǵatqa sozylyp, memlekettiń mańyzy bar máseleler tóńireginde tushymdy áńgime órbigen. Saiasatker bul týraly áleýmettik jelidegi paraqshasynda jazdy.
"Ekonomika, nesieler, depýtattyq korpýsti jańartý týraly, saiasi jáne ekonomikalyq reforma jaily, ákimderdiń sailaýy jaily, jaiylym jerler týraly, jeke tulǵalardyń bankrotttyǵy jaily egjei -tegjeili aityldy", – deidi Taijan.
Sarapshy óz tarapynan kelesidei máselelerdi kótergen eken:
- - jańa Jer kodeksi kerek ekenin aittym,moratoriidiń aiaqtalýyna 1 jyl ǵana qalyp otyr,
- depýtattardyń teń jartysy majoritarlyq júiemen sailaný kerek,
- ákimder sailanatyn ýaqyt keldi,
- jańa parlamentte komýnistik partiia bolmaýy kerek,
- ekonomikalyq daǵdarsytan qalai shyǵamyz,
- ár adam aitqan sózine jaýapty bolýy kerek.
Taijannyń atap ótkenindei osy kezdesýde Nyǵmatýlin áleýmettik jelidegi belsendi azamattardyń jazbalaryn qalt jibermei oqyp, baqylap otyratynyn aitqan.
"Bizdiń sózimizdi bólmei túgel muqiiat tyńdap otyrdy. Áńgime óte ashyq jáne konstrýktivti ótti. Jańa saiasi maýsym qyzý bolaiyn dep tur...", – deidi saiasatker.
