ساياساتكەر مۇحتار تايجاننىڭ ايتۋىنشا كەزدەسۋ 3،5 ساعاتقا سوزىلىپ، مەملەكەتتىڭ ماڭىزى بار ماسەلەلەر توڭىرەگىندە تۇششىمدى اڭگىمە وربىگەن. ساياساتكەر بۇل تۋرالى الەۋمەتتىك جەلىدەگى پاراقشاسىندا جازدى.
"ەكونوميكا، نەسيەلەر، دەپۋتاتتىق كورپۋستى جاڭارتۋ تۋرالى، ساياسي جانە ەكونوميكالىق رەفورما جايلى، اكىمدەردىڭ سايلاۋى جايلى، جايىلىم جەرلەر تۋرالى، جەكە تۇلعالاردىڭ بانكروتتتىعى جايلى ەگجەي -تەگجەيلى ايتىلدى"، – دەيدى تايجان.
ساراپشى ءوز تاراپىنان كەلەسىدەي ماسەلەلەردى كوتەرگەن ەكەن:
- - جاڭا جەر كودەكسى كەرەك ەكەنىن ايتتىم،ءموراتورييدىڭ اياقتالۋىنا 1 جىل عانا قالىپ وتىر،
- دەپۋتاتتاردىڭ تەڭ جارتىسى ماجوريتارلىق جۇيەمەن سايلانۋ كەرەك،
- اكىمدەر سايلاناتىن ۋاقىت كەلدى،
- جاڭا پارلامەنتتە كومۋنيستىك پارتيا بولماۋى كەرەك،
- ەكونوميكالىق داعدارسىتان قالاي شىعامىز،
- ءار ادام ايتقان سوزىنە جاۋاپتى بولۋى كەرەك.
تايجاننىڭ اتاپ وتكەنىندەي وسى كەزدەسۋدە نىعماتۋلين الەۋمەتتىك جەلىدەگى بەلسەندى ازاماتتاردىڭ جازبالارىن قالت جىبەرمەي وقىپ، باقىلاپ وتىراتىنىن ايتقان.
"ءبىزدىڭ ءسوزىمىزدى بولمەي تۇگەل مۇقيات تىڭداپ وتىردى. اڭگىمە وتە اشىق جانە كونسترۋكتيۆتى ءوتتى. جاڭا ساياسي ماۋسىم قىزۋ بولايىن دەپ تۇر..."، – دەيدى ساياساتكەر.
