Mereke qarsańynda barlyq qalalar men aýdandarda áleýmettik nysandardyń saltanatty ashylýy, oblystyń táýelsizdigi men damýyna zor úles qosqan turǵyndardy marapattaý rásimderi ótti.
Altai aýdanynda aýqymdy is-sharalar jalǵasyn tapty. Aýdan ortalyǵynda QR Táýelsizdiginiń 30 jyldyǵyna orai balalar kitaphanasy ashyldy. Endi balalar bos ýaqyttaryn tiimdi ótkize alady. Munda shyǵarmashylyq damý jáne tanymdyq demalys úshin qolaily orta quryldy.
Altai aýdanynda Táýelsizdiktiń 30 jyldyǵyn merekeleý taǵy bir jaǵymdy oqiǵamen qatar keldi. Eki otbasy jańa turǵyn úidiń kiltin aldy. Bul kúni Semei qalasy men Tarbaǵatai aýdanynda 20, Kókpekti aýdanynda 26 kóp balaly otbasy qonys toiyn toilady.
Ulan aýdany Gerasimovka aýylynda eki nysannyń saltanatty ashylýy ótti. Endi aýyl turǵyndarynda jańa jeke menshik balabaqsha paida boldy. Kásipker Iliias Tólegenov "Qarapaiym zattar ekonomikasy" baǵdarlamasy aiasynda burynǵy balalardyń bos turǵan ǵimaratyn satyp alyp, onda jumsalǵan jalpy somasy 50 mln teńgege kúrdeli jóndeý jumystaryn júrgizdi. Qazir balabaqshada 25 jumys orny quryldy. 8 top ashylyp, 105 bala qabyldandy.
Sondai-aq, aýylda 400-den astam aýlany taza aýyz sýmen qamtamasyz etetin ortalyq sý qubyry ashyldy. Joba "Aýyl – El besigi"memlekettik baǵdarlamasy boiynsha júzege asyryldy.
Ulan aýdanynyń Saǵyr aýylynda Táýelsizdik kúnine orai otbasylyq-dárigerlik ambýlatoriia ashyldy. 1981 jyly salynǵan burynǵy feldsherlik-akýsherlik pýnkt ǵimaraty 90 mln teńgege jóndeldi. Jańa jihazdar men jabdyqtar ákelindi.
Jarma aýdanynda qýattylyǵy 30 MVt jel elektr stantsiiasy iske qosyldy. Búginde bul jańartylatyn energiia kózderin damytýǵa baǵyttalǵan "jasyl ekonomikanyń" eń iri jobalarynyń biri. Investitsiianyń jalpy somasy 7,4 mlrd teńgeni quraidy. Nátijesinde 8 jumys orny qurylady.
Tarbaǵatai aýdanynda Uly Otan soǵysynyń jaýyngerleri men batyrlarynyń, Aýǵan soǵysynyń ardagerleriniń qurmetine" Batyrlar alleiasy " saltanatty túrde ashyldy. Bul kúni aýdan turǵyndaryna jerlester, Keńes Odaǵynyń Batyrlary - Mahmet Qaiyrbaevqa, Ivan Kornevke, Sergei Elistratovqa, Sotsialistik Eńbek Erleri – Kajen Jynǵylbaevqa, Eshi Konakovqa, Ivan Shevtsovqa jáne Belgisiz soldatqa arnalǵan músinder men eskertkish taqtalar usynyldy.
Al Tarbaǵatai aýdanynyń Sheńgeldi aýylynda merekege orai mektep oqýshylary oqýǵa bara alatyn avtobýstyń kilti tabystaldy.
Aita keteiik, jaqyn arada aýdanda balalardy mektepke aparatyn taǵy eki avtobýs paida bolady.
Tarbaǵatai aýdanynyń Kókjyra aýylynda jańa balabaqsha ashylyp, "Aýyl – el besigi"baǵdarlamasy boiynsha kúrdeli jóndeý jumystary júrgizildi. Munda 100 bala oqidy. Ashylý saltanatyna oblys ákiminiń orynbasary Azamat Muhamedchinov qatysty.
Aqsýat aýylynda Táýelsizdik kúnine arnalǵan saltanatty jiyn ótti. El úshin basty mereke retinde Azamat Muhamedchinov aýdan turǵyndaryn quttyqtap, el damýyna qosqan erekshe úlesi úshin Tarbaǵatai aýdanynyń turǵyndaryna marapattar tabys etti.
Kókpekti aýdanynyń Samar aýylynda "Aýyl-el besigi" baǵdarlamasy aiasynda salynǵan dene shynyqtyrý – saýyqtyrý kesheniniń saltanatty ashylýy ótti. Al Úlkenbóken jáne Sarybel aýyldarynda jastar sportyna arnalǵan shaǵyn fýtbol alańdary ashyldy.
Qalalar men aýdandarda patriottyq aktsiialar, avtosherý ótti. Sonymen qatar, ShQO turǵyndary "Meniń Táýelsizdik Rámizderim" aktsiiasyn qoldap, onyń barysynda memlekettik týlar úilerdiń balkondaryna ornalastyryldy.
Aitýly kúnge orai sporttyq jarystar da ótkizildi. Ridderde Matrenin Sokolok jerinde snoýbordtan jarys ótti. Óskemende tennisten Masters 10&Under respýblikalyq týrniri, sondai-aq ashyq jáne jabyq úi-jailarda Qysqy Prezidenttik kópsaiystan QR Kýbogy ótýde.
QR Táýelsizdiginiń 30 jyldyǵyna orai Shyǵys Qazaqstanda barlyǵy 140 – tan astam is-shara ótip, 65 jańa nysan esigin aiqara ashty.
