Qazaqstanda keibir báisheshek pen baqbaq sekildi sirek ósimdikterdi julǵany úshin 13 million teńgege deiin aiyppul salynýy múmkin. Bul týraly Ekologiia ministrligi málimdedi, dep habarlaidy dalanews.kz.
Vitse-ministr Nurken Shárbiev aiyppul Qyzyl kitapqa engen sirek ósimdikterge qatysty qoldanylatynyn aitty. Onyń sózinshe, mundai ósimdikterdi julý nemese joiý faktisi anyqtalsa, 3000 ailyq eseptik kórsetkish kóleminde aiyppul qarastyrylǵan. Bul shamamen 13 million teńgege teń.
Ministrlik mundai qatań sharalar joiylyp ketý qaýpi bar ósimdikterdi qorǵaý úshin engizilgenin atap ótti. Sirek kezdesetin gúlder men ósimdikter negizinen Qazaqstannyń ońtústik óńirlerinde ósedi.
