Jospardy oryndaý maqsatynda memlekettik kórsetiletin qyzmetterdiń sapasyn arttyrý, qyzmet alýshylarǵa sondaı-aq, múmkindigi shekteýli azamattarǵa jaǵdaı jasaý úshin jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń ǵımaratynda «Open Taldykorgan» áleýmettik sala jáne azamattyq hal aktilerin tirkeý qyzmetterin kórsetetin ortalyq ashyldy.
Jalpy,Taldyqorǵan qalasy ákimdigine qarasty 11 memlekettik mekeme 63 memlekettik qyzmet túri boıynsha qyzmet kórsetedi. 2021 jyldyń İİİ toqsanyna 40 myńnan astam memlekettik qyzmet kórsetilgen.
Qazirgi ýaqytta qala boıynsha kórsetilgen memlekettik qyzmetterdiń basym bóligi jumyspen qamtý, áleýmettik baǵdarlamalar jáne azamattyq hal aktilerin tirkeý bólimimen kórsetilýde (32 165 qyzmet nemese 80,3%).
Sonymen qatar, elektrondyq qyzmetterdiń qoljetimdiligin qamtamasyz etý maqsatynda qala boıynsha 48 ózine-ózi qyzmet kórsetý buryshtary qyzmet etýde.
El tarıhynda eleýli mereke Qazaqstan Respýblıkasynyń 30 jyldyǵy qarsańynda Taldyqorǵan qalasynda dúnıege kelgen 4500 náresteniń málimetteri azamattyq hal aktileriniń jazbalaryna tirkelip, týý týraly kýáligi berildi.
Qazirgi tańda bólimmen kórsetiletin memlekettik qyzmetterdiń 22 túrin, ıaǵnı 90% elektrondy túrde www.egov.kz «Elektrondy úkimet» veb portaly arqyly úıden shyqpaı aq alý múmkindigi bar. Ol úshin memlekettik qyzmetti elektrondyq túrde alý úshin – árbir azamatqa elektrondyq sıfrlyq qoltańba alyp, «Elektrondy úkimet» veb-portalyna tirkelý qajet.
Aıta ketý kerek, 2021 jylǵy qańtar aıynan bastap múgedektigi bar tulǵalarǵa arnalǵan ońaltý baǵdarlamasynyń negizinde gıgıenalyq quraldarmen, sanatorlyq-kýrorttyq joldamalarmen, tıfloquraldar men sýrdoquraldarmen, protezdik-ortopedıalyq buıymdarmen, qol arbamen, júrip turýy qıyn 1 toptaǵy múgedekke jeke kómekshiniń qyzmetimen jáne múgedekke ymdaý tili mamanynyń qyzmetimen «Áleýmettik qyzmetter» Portaly arqyly qamtamasyz etiledi.
