Táýelsizdik kúni qarsańynda Túrkistan oblysy Sholaqqorǵan aýylynda halyq igiligine jańa turǵyn úi tapsyryldy. Bul elge degen qamqorlyqtyń jáne jarqyn bolashaqqa degen senimniń belgisine ainaldy, dep habarlaidy Dalanews.kz.
Jetkinshek shaǵyn aýdanynda salynǵan zamanaýi eki qabatty úi buryn apattyq jaǵdaida turǵan baspanada ómir súrgen birneshe otbasyǵa jańa shańyraq syilady. Endi olar úshin jaily ári qaýipsiz ortada ómirdiń jańa paraǵy bastalady.
Nysannyń qurylysy «Qazatomónerkásip» UAK» AQ enshiles kásiporyndary esebinen qarjylandyrylyp, tolyqtai turǵyndarǵa tabystaldy. Bul joba óńirdiń áleýmettik infraqurylymyn damytýǵa, halyqtyń ómir súrý sapasyn arttyrýǵa, ózekti áleýmettik máselelerdi sheshýge qosylǵan mańyzdy úles boldy.
Páterler injenerlik kommýnikatsiialarmen tolyq qamtamasyz etilgen jáne zamanaýi turmys standarttaryna tolyq sai keledi. Qazatomónerkásip aimaqtardyń áleýmettik-ekonomikalyq damýyn qoldaýdy jalǵastyryp, Qazaqstan Respýblikasy azamattarynyń ál-aýqatyn arttyrýǵa baǵyttalǵan bastamalardy dáiekti túrde júzege asyra beretin bolady.
