Almaty oblysynda jalpy óńirlik ónim kólemi táýelsizdiktiń alǵashqy jyldarynda 35 mln.teńge bolsa, búgingi kúni bul kórsetkish 3  trln. 700 mlrd. teńgege jetti. Bul týraly búgin Ortalyq komýnıkasıalar qyzmeti alańyndaǵy brıfıń barysynda Almaty oblysynyń ákimi Amandyq Batalov málimdedi, – dep habarlaıdy Almaty oblysy ákiminiń baspasóz qyzmeti.

Ónerkásip ónimin shyǵarý 9,5 mln.teńgeden 1 trln 200 mlrd teńgege deıin ósti, al aýyl sharýashylyǵynyń jalpy ónimi bıyl 1 trln. teńgeden asady.

– 30 jyl ishinde óńirde 14,5 mln.sharshy metr turǵyn úı paıdalanýǵa berildi. Al búdjet túsimderi 1997 jylǵy 11 mlrd teńgeden búgingi kúni 742 mlrd. teńgege deıin ósti. 30 jylda oblys ekonomıkasyna 6,5 trln. teńge ınvestısıa salyndy, – dep atap ótti A.Batalov.