Táýelsizdiktiń 30 jyldyǵynda Shyǵys Qazaqstan oblysynda barlyq salada oń ózgerister oryn alyp, óńir qarqyndy ekonomıkalyq damýǵa qol jetkizdi. Turaqty damýdyń arqasynda oblysta kedeıshilik deńgeıi aıtarlyqtaı tómendep, kóptegen jumys oryndary aıshylǵany belgili. Dál osyndaı ıgilikti ister aýyl halqyn da aınalyp ótken joq, – dep habarlaıdy Dalanews.kz.  

Resmı derekterge nazar aýdarsaq Táýelsizdik jyldary Shyǵys Qazaqstan oblysy turǵyndarynyń tabysy 17 esege ósip, zeınetaqy tólemderi on ese artqanyn baıqaýǵa bolady. Halyqtyń turmys jaǵdaıy jaqsaǵannan keıin turǵyndardyń ómir súrý deńgeıi 64 jastan 72 jasqa ulǵaıǵan.

Osylaısha memlekettik deńgeıde qolǵa alynǵan sharalar halyqtyń turmysy men densaýlyǵynyń jaqsarýyna tikeleı yqpal etti.

Óńirde áleýmettik jaǵdaıdyń jaqsarǵanyn oblys aýmaǵynda jumyssyzdyq deńgeıiniń tómendegeninen anyq ańǵarýǵa bolady. Osylaısha óńirde jumyssyzdyq deńgeıi 11 paızdan 4,8 paıyzǵa deıin tómendedi.

Bul – Táýelsizdik jyldaryndaǵy qol jetkizgen úlken tabys desek artyq aıtqandyq bolmas edi. Qazirgi tańda Shyǵys Qazaqstan oblysynda jumyssyzdyq deńgeıi elimiz boıynsha eń tómen kórsetkishti quraıdy.

Osy rette «Eńbek» baǵdarlamasynyń Erikti túrde qonys aýdarý jobasy boıynshy sońǵy jyldary jumys kúshi kóp óńirlerden myńdaǵan adamnyń qonys aýdaryp, SHQO-ǵa turaqtap qalǵanyn úlken jetistikke balaýǵa bolady.