Agroónerkásiptik keshen Shyǵys Qazaqstan ekonomıkasynyń ajyramas bóligi bolyp tabylady. Oblys respýblıkada sút, kúnbaǵys, bal jáne pantylar óndirisi boıynsha jetekshi orynda. Sondaı-aq, et óndirisi boıynsha ekinshi oryn jáne kartop boıynsha úshinshi oryn alady. Táýelsizdiktiń 30 jyl ishinde aımaqtyń agroónerkásibi jaqsy kórsetkish kórsetip keledi, – dep habarlaıdy Dalanews.kz.

SHQO aýyl sharýashylyǵy jalpy óniminiń kólemi 1991 jyldan bastap 7,2 mln teńgeden 691 mlrd teńgege deıin ósti. Mal sharýashylyǵy ónimderiniń jalpy shyǵarylymy 78 myń esege artty (1991 jylǵy 4,7 mln teńgeden 2020 jyly 366 mlrd teńgege deıin), dep atap ótti óńir ákimdigi.

Sút baǵytynda sońǵy bes jyl ishinde 9 myń basqa arnalǵan 38 sút-taýar fermasy salynyp, 70 sút qabyldaý pýnkti quryldy.

Salynǵan ınvestısıalar halyqtan sút satyp alýdy aqshalaı 18 esege, zattaı  8 esege (7,5 myń tonnadan 57,2 myń tonnaǵa deıin) ulǵaıtýǵa múmkindik berdi. 2015 jyldan bastap sút óńdeý kásiporyndarynyń qýaty 29-dan 96 paıyzǵa deıin artty.

– Agrarlyq sektor men qaıta óńdeý ónerkásibin odan ári damytý kózdelgen. Bul rette  daıyn ónimderdi alý úshin aýyl sharýashylyǵy shıkizatyn joǵary dárejede qaıta óńdeýdi qamtamasyz etýge basa nazar aýdarylady, – dep habarlady oblys ákimdigi.

Táýelsizdik jyldarynda oblysta sút óńdeý, maı-toń maı, un-qurama jem jáne basqa da salalardyń 19 iri kásiporny paıdalanýǵa berildi.

Mysaly, «Vostok-Moloko» jáne «Emıl» korporasıalary joǵary sapaly daıyn ónim shyǵara otyryp, sútti qaıta óńdeýdiń tolyq sıklyn jandandyrsa, «Bagratıon» kásiporny – irimshikter, sary maı shyǵarýdy uıymdastyrdy.

Oblystyń ishki sý qoımalarynyń áleýeti keń beıindi balyq sharýashylyǵyn – baqtaq , albyrt balyqtaryn, shaıan tárizdilerdi ósirý, keshendi balyq sharýashylyǵyn damytý úshin alǵysharttar jasaýda.

Qazirgi ýaqytta Ulan aýdanynda bekire tuqymdas balyqtardyń Bester gıbrıdiniń ýyldyryǵy men etin óndiretin zaýyt («OstFish» JSHS) jumys isteıdi. Bul syrtqy naryqtardy ıgerýdiń alǵashqy qadamy.

Aǵymdaǵy jyly eki iri maı ekstraksıalyq zaýyt salý kózdelgen. Olardyń biri – qýaty 300 myń tonna «QazaqAstyqGroup» JSHS paıdalanýǵa berildi.

Qýaty jylyna 300 myń tonnaǵa deıingi mýltıkýltýralardy qaıta óńdeý boıynsha Predgornoe aýyly, Glýbokoe aýdanyndaǵy ekinshi «AltynShyghys» JSHS kombınaty aǵymdaǵy jyldyń jeltoqsan aıynda iske qosylatyn bolady.

Táýelsizdik jyldarynda qol jetkizilgen agroónerkásiptik keshendi damytý kórsetkishteri óńir halqynyń qajettiligin asa mańyzdy áleýmettik mańyzy bar azyq-túlik taýarlarymen qamtamasyz etýge múmkindik berdi.