QR Densaýlyq saqtaý vıse-mınıstri Marat Shoranovtyń Óskemen qalasyna sapary aıasynda Nur-Sulan qalalyq Ulttyq ǵylymı onkologıalyq ortalyǵy men Shyǵys Qazaqstan oblystyq kópsalaly onkologıa ortalyǵy arasynda memorandýmǵa qol qoıyldy, – dep habarlaıdy Dalanews.kz.

Taraptar onkologıa, radıologıa jáne ıadrolyq medısına salalarynda yntymaqtastyq ornatýǵa kelisti. Kelisimge sáıkes eki jaqtyń iskerlik ózara is-qımylyndaǵy basym baǵyttar belgilendi.

Atap aıtqanda, mamandardy daıarlaý jáne olardyń biliktiligin arttyrý, onkologıa, radıologıa jáne ıadrolyq medısınanyń zamanaýı baǵyttary boıynsha sheberlik sabaqtary men ǵylymı-bilim berý baǵdarlamalaryn ótkizý.

Sondaı-aq medısınanyń joǵaryda atalǵan salalarynda birlesken zertteýler júrgizý josparlanǵan. Eń bastysy, tájirıbe almasý jáne onkologıalyq ortalyqtardyń mamandary arasynda konsýltasıalar men telekópirler ótkizý bolyp otyr.