28 mamyrda Qazaqstan úkimeti tasqynnan zardap shekken azamattarǵa shyǵyndy qalai ótep jatqany jóninde esep berdi. Úkimettiń baspasóz qyzmeti 30 myńnan asa otbasy 100 AEK (369 200 teńge) kóleminde bir rettik járdemaqy alǵanyn jetkizdi, dep habarlaidy Dalanews.kz.
Tasqyn saldarynan Qazaqstanda shamamen 12 myńnan asa úidi jáne 18 myńnan asa saiajai qurylysyn sý basqan, onyń ishinde 5353 úi zardap shekken adamdardyń jalǵyz baspanasy bolǵan.
15 myńnan asa úige saraptama jasaǵan mamandar 4315 úi apatty jaǵdaida tur, al 9 myńnan astam úi qalpyna keltirýge jatady degen qorytyndy jasaǵan.
Tasqynnan keiin óńirlerde 1847 úi men páter qurylysy bastalǵan, budan bólek, 3417 baspana satyp alý josparda bar dedi úkimettiń baspasóz qyzmeti.
Premer-ministr Oljas Bektenov ákimdikterge ónerkásip ministrligimen birge osy aptanyń aiaǵyna deiin tasqyn shyǵynyn baǵalaýdy aiaqtaý jóninde tapsyrma berdi.
Biyl kóktemde Qazaqstannyń soltústigi men batys óńirlerin tasyǵan sý basyp, milliondaǵan adam materialdyq shyǵynǵa batty. Kei ózenderde sý tasqyn kezindegi deńgeimen birdei nemese soǵan jeteqabyl. Úiinen ketýge májbúr bolǵan 5 myńnan asa adam áli kúnge sheiin ýaqytsha panalaý ortalyqtarynda turyp jatyr.
