Jylyoi aýdanynda tasqynnan zardap shekken 100-den astam otbasy jyljymaityn múlikti baǵalaý nátijelerin aldy, dep habarlaidy Dalanews.kz Atyraý oblysynyń TJ jónindegi jedel shtabyna silteme jasap.
Qulsarydaǵy sý tasqynynan zardap shekken úilerge keltirilgen zalaldy baǵalaý jáne tehnikalyq saraptama qorytyndylaryn túsindirý boiynsha mobildi toptar birinshi kúnniń jumysyn aiaqtady.
Alty mobildi top Qulsarynyń 100-den astam turǵynynyń úilerine baryp, tasqynnan múlkine keltirilgen zalaldy baǵalaý jáne tehnikalyq saraptama qorytyndylary boiynsha túsindirý jumystaryn júrgizdi.
Eki kún ótkennen keiin Qulsary turǵyndary baǵalaý komissiiasynyń sheshimimen kelise otyryp, memleketten kómek alý úshin Jylyoi aýdanynyń ákimdigine júgine alady.
Aita ketý kerek, turǵyndardyń kópshiligi baǵalaý komissiiasynyń sheshimimen jáne usynylǵan ótemaqymen kelisken.
Zalaldy baǵalaý jáne múlikke tehnikalyq saraptama qorytyndylaryn túsindirý boiynsha mobildi toptardyń jumysy jalǵasýda.
Jumys tobynyń úi aralaý arqyly túsindirý jumystary shyǵyndardy baǵalaý protsesi tolyqtai aiaqtalǵanǵa deiin jalǵasady.
Zalaldy baǵalaý nátijeleri jariia etilgennen keiin, Jylyoi aýdanynyń ákimdigi eki baǵytta qarajat tóleý boiynsha jumys isteitin bolady:
1. Eger úiler jóndeýge jatatyn bolsa, turǵyn úilerdi jóndeýge qarajat, sondai-aq, zardap shekken múlik úshin ótemaqy tólenedi.
2. Úiler apatty dep tanylǵan jaǵdaida memleket esebinen jańa úi salynady.
Ekinshi joly - Qulsary qalasynda nemese Atyraý oblysynyń aýmaǵyndaǵy kez kelgen eldimekende turǵyn úi satyp alýǵa, sondai-aq zardap shekken múlik úshin ótemaqy tólenedi.
Aita keteiik, Jylyoi aýdanynda sý basqan 2 920 úidiń 2 906-sy sýdan qurǵatylǵan.
Búgingi tańda 2 667 turǵyn úi-jai tehnikalyq tekserýden ótip, 2 622 turǵyn úige baǵalaý júrgizildi.
Zardap shekken turǵyndardan barlyǵy 3000-ǵa jýyq ótinim kelip tústi, baǵalaý jumystary jalǵasýda.
