Tasqyn sýdan zardap shekken Batys Qazaqstan oblysynda da Sibir jarasy taralýy múmkin degen qaýip bar. Sebebi juqpaly aýrýdan aram qatqan maldyń 14 qorymyn sý shaıyp ketti degen aqparat tarady. Degenmen ony quzyrly organdar bul málimetti ishinara joqqa shyǵaryp otyr. Sý astynda tek osyndaı ólekse kómilgen úsh qorym qalǵan eken, - dep habarlaıdy Dalanews.kz.

Aldyn ala esep boıynsha, óńirde sýǵa ketken 219 iri qara, myń jarymnan astam usaq mal men 97 shoshqa jáne júzge tarta taýyq aram qatqan. Infeksıa taralmaý úshin tasqyn bolǵan jerlerden veterınarlar ólekselerdi jınap alyp kózin joıýdy bastaǵan.

Endi turǵyndar sý shaıǵan qorymdardan Sibir jarasy taraı ma dep qorqady. Degenmen veterınarıa basqarmasyndaǵylar ondaı qaýiptiń joq ekenin aıtady.

"Jalpy Sibir kómindileri bizdiń oblysta 222. Sonyń 34-i Syrym aýdanynda. Osnyń úsheýin Óleńti aýdanyda Jympıty keshe sýǵa ketken kezde sý basqan. Biraq qazir sý basyldy. Esh qaýip joq. Tıisti veterınarlyq sharalar iske asyrylyp jatyr", - deıdi BQO Veterınarıa basqarmasy basshysynyń ornybasary Abzal Birálıev.