UQSHU Ujymdyq qaýipsizdik keńesiniń keńeıtilgen quramdaǵy otyrysy ótti, dep habarlaıdy Dalanews.kz.
Memleket basshysy Qasym-Jomart Toqaev resmı delegasıa múshelerimen birge UQSHU Ujymdyq qaýipsizdik keńesiniń keńeıtilgen quramdaǵy otyrysyna qatysty.
Qazaqstan, Belarýs, Qyrǵyzstan, Reseı jáne Tájikstan kóshbasshylary Uıymǵa múshe elderdiń ujymdyq qaýipsizdigin qamtamasyz etýdiń ózekti máselelerin qarastyryp, bıylǵy UQSHU jumysynyń negizgi baǵyttaryn qorytyndylady. Sondaı-aq aldaǵy kezeńge arnalǵan basymdyqtardy anyqtady.
Prezıdentter UQSHU Bas hatshysy laýazymyndaǵy qyzmetin aıaqtap jatqan Imanǵalı Tasmaǵambetovke alǵys aıtty.
Jıyn barysynda 2026 jylǵy 1 qańtardan bastap UQSHU Bas hatshysy qyzmetine úsh jyl merzimge Qyrǵyz Respýblıkasynyń ókili Taalatbek Masadykovty taǵaıyndaý týraly sheshim bekitildi.
Otyrys qorytyndysy boıynsha Ujymdyq qaýipsizdik keńesiniń deklarasıasy qabyldandy. Sondaı-aq Uıymǵa múshe memleketterdiń múddesine saı ujymdyq qaýipsizdik júıesin jan-jaqty jetildirýge baǵyttalǵan birqatar qujatqa qol qoıyldy.
