Osyndaı saryndaǵy kúmándi tujyrymdamalarǵa alǵashqy jaýap bergen resmı tulǵa – QR qorǵanys mınıstri Imanǵalı Tasmaǵambetov boldy.
– Qandaı da bolsyn syltaýmen Qazaqstan aýmaǵyna Reseı áskeriniń kirgizilýi múmkin emes. Meıli, ol ıslamdyq terorızm, terorıstik aktiler jáne taǵy basqalary bolsyn, – dedi Imanǵalı Tasmaǵambetov 2016 jylǵy 1-tamyzda Almatyda jýrnalısermen bolǵan kezdesý barysynda.
Qazaqstanǵa kómek berý jaıynda elimizdiń áskerı-saıası basshylyǵy tarapynan Reseı Federasıasyna da, basqa memleketterge de eshqandaı ótinishter jasaý bolǵan joq jáne bolmaıdy.
Qazaqstannyń «óz qotyryn ózi qasýǵa» qaýqary jetedi, terorıstik qaýipterdi qosa alǵanda. Ózderińiz kórip otyrsyzdar: Aqtóbedegi jáne Almatydaǵy shıelenis oshaqtaryn oqshaýlaýǵa bizdiń qarýly kúshter qatysqan joq. Shyn máninde, mundaı jaǵdaıda biz óz kúshimizdi jaýyngerlik daıyndyq jaǵdaıynda ustaımyz, biraq odan aryǵa barmaımyz.
Qajet bolǵan jaǵdaıda áskerı-kólik ushaqtary Ulttyq ulannyń áskerin elimizdiń kez kelgen jerine jetkizýge qabiletti
Búginde Ulttyq ulannyń kásibı daıyndyǵy joǵary, Ulttyq qaýipsizdik komıtetiniń arnaıy maqsattaǵy bólimsheleri, İshki ister mınıstrliginiń de arnaıy maqsattaǵy kúshteri bar, bizdiń vedomstvo da qur alaqan emes. Sondyqtan terorıstik qaýippen kúresý formatynda bizge kórshilerdiń kómegi qajet deý – artyq aıtqandyq.
Qazirgi terrorıstke qarýdyń da qajeti joq
Eýropadaǵy buqaralyq aqparat quraldary Reseıdi qubyjyq etip kórsetedi.
Olardyń saıasaty sondaı – ózderiniń keıbir maqsattaryna qol jetkizý úshin olar jurtty Reseımen qorqytady, biraq munyń Qazaqstanǵa eshqandaı qatysy joq.
Elimizdegi lańkestik shabýyldar máselesine kelsek, mundaı kúrestiń alǵy shebinde, birinshi kezekte, Ulttyq qaýipsizdik komıteti turady – «anyqtaý jáne kózin joıý» solardyń maqsatyna jatady. Men UQK úlken jedel jumys atqaryp otyr dep esepteımin, biz olarmen baılanystamyz. Sondaı-aq İshki ister mınıstri men Ulttyq ulan basshylyǵy da qarap otyrǵan joq.
Alaıda búgin terorıstik shabýyldyń qaıda jáne qashan bolatynyn dóp basyp aıtý múmkin emes. Ózimiz kórip otyrǵandaı qazirgi terrorıstke shabýyl daıyndaýǵa tyńǵylyqty daıyndalý qajet emes. Oǵan qarý izdep, jarylǵysh zattar jasaýdyń da qajeti joq.
Zamanaýı lańkeske, Nıssada bolǵandaı, júk kóliginiń rýline otyryp, kólikti adamdar kóp jınalǵan jerge qaraı bettetse, jetip jatyr.
Meniń oıymsha, búgin terorızm psıhozy túshkirgennen de juǵatyn syńaıly. Bir elde terakt oryn alsa, ol planetanyń basqa bir jerindegi lańkestik jasaǵaly júrgen bireýge berilgen belgi ispetti. Sondyqtan álem mundaı soıqannan qorǵalǵan deýge bolmaıdy. Al Qazaqstan – osy álemniń bir bóligi.
Maqalanyń túpnusqasyn 365 info.kz saıtynan oqyńyzdar
Kaırat Matrekov
