7 aqpanda UQSHU Bas hatshysy Imanǵalı Tasmaǵambetov Reseı Syrtqy ister mınıstri Sergeı Lavrovpen kezdesti, dep habarlaıdy Dalanews.kz.
Olar uıym qyzmetiniń ózekti máselelerin talqylady. Atap aıtatyn bolsaq, 2023 jylǵy 23 qarashada Mınskide ótken ujymdyq qaýipsizdik keńesi sesıasynyń sheshimderin iske asyrý barysy men 2024 jylǵy maýsymda UQSHU syrtqy ister mınıstrleriniń keńesi otyrysyna daıyndyqty ortaǵa saldy.
Al kezdesý sońynda Reseı SİM qyzmetkerlerine Imanǵalı Tasmaǵambetov ujymdyq qaýipsizdik týraly shart uıymynyń nagradalaryn tabys etti.
Sonymen birge Sergeı Lavrov UQSHU formatyndaǵy parlamentaralyq yntymaqtastyqty nyǵaıtýǵa qosqan eleýli úlesi úshin UQSHU parlamenttik assambleıasynyń jaýapty hatshysy – UQSHU parlamenttik assambleıasy hatshylyǵynyń basshysy Sergeı Pospelovti Reseı Federasıasy syrtqy ister mınıstrliginiń "Ózara is-qımyl jasaǵany úshin" tósbelgisimen marapattady.
Eske salaıyq, Imanǵalı Tasmaǵambetov Ujymdyq qaýipsizdik sharty uıymynyń bas hatshysy qyzmetine 2022 jyldyń qarashasynda taǵaıyndalǵan bolatyn. Memleket qaıratkeri óz kezeginde osyǵan deıin Reseı tarapynan birneshe marapat ıesi atanǵan. Naqtyraq aıtsaq, Orys Pravoslavıelik Shirkeýiniń «Máskeýlik Danııl qasıetti patshasy» ordenimen, Reseı Federasıasynyń «Drýjba narodov» ordenimen jáne kóptegen alqamen marapattalǵan.
