7 اقپاندا ۇقشۇ باس حاتشىسى يمانعالي تاسماعامبەتوۆ رەسەي سىرتقى ٸستەر مينيسترٸ سەرگەي لاۆروۆپەن كەزدەستٸ, دەپ حابارلايدى Dalanews.kz.
ولار ۇيىم قىزمەتٸنٸڭ ٶزەكتٸ مەسەلەلەرٸن تالقىلادى. اتاپ ايتاتىن بولساق, 2023 جىلعى 23 قاراشادا مينسكٸدە ٶتكەن ۇجىمدىق قاۋٸپسٸزدٸك كەڭەسٸ سەسسيياسىنىڭ شەشٸمدەرٸن ٸسكە اسىرۋ بارىسى مەن 2024 جىلعى ماۋسىمدا ۇقشۇ سىرتقى ٸستەر مينيسترلەرٸنٸڭ كەڭەسٸ وتىرىسىنا دايىندىقتى ورتاعا سالدى.
ال كەزدەسۋ سوڭىندا رەسەي سٸم قىزمەتكەرلەرٸنە يمانعالي تاسماعامبەتوۆ ۇجىمدىق قاۋٸپسٸزدٸك تۋرالى شارت ۇيىمىنىڭ ناگرادالارىن تابىس ەتتٸ.
سونىمەن بٸرگە سەرگەي لاۆروۆ ۇقشۇ فورماتىنداعى پارلامەنتارالىق ىنتىماقتاستىقتى نىعايتۋعا قوسقان ەلەۋلٸ ٷلەسٸ ٷشٸن ۇقشۇ پارلامەنتتٸك اسسامبلەياسىنىڭ جاۋاپتى حاتشىسى – ۇقشۇ پارلامەنتتٸك اسسامبلەياسى حاتشىلىعىنىڭ باسشىسى سەرگەي پوسپەلوۆتٸ رەسەي فەدەراتسيياسى سىرتقى ٸستەر مينيسترلٸگٸنٸڭ "ٶزارا ٸس-قيمىل جاساعانى ٷشٸن" تٶسبەلگٸسٸمەن ماراپاتتادى.
ەسكە سالايىق, يمانعالي تاسماعامبەتوۆ ۇجىمدىق قاۋٸپسٸزدٸك شارتى ۇيىمىنىڭ باس حاتشىسى قىزمەتٸنە 2022 جىلدىڭ قاراشاسىندا تاعايىندالعان بولاتىن. مەملەكەت قايراتكەرٸ ٶز كەزەگٸندە وسىعان دەيٸن رەسەي تاراپىنان بٸرنەشە ماراپات يەسٸ اتانعان. ناقتىراق ايتساق, ورىس پراۆوسلاۆيەلٸك شٸركەۋٸنٸڭ «مەسكەۋلٸك دانييل قاسيەتتٸ پاتشاسى» وردەنٸمەن, رەسەي فەدەراتسيياسىنىڭ «درۋجبا نارودوۆ» وردەنٸمەن جەنە كٶپتەگەن القامەن ماراپاتتالعان.
