Tarbaǵataidaǵy Yrǵyzbai ata kesenesi týristik orynǵa ainalmaq
Aýdan basshysy aityp ótkendei, osy ýaqytqa deiin Yrǵyzbai ata kesenesi eshandai mekemeniń menshiginde bolmaǵan. Tek biylǵy jyly qujattary jóndelip, aýdandyq mádeniet bólimine tapsyryldy. Endi keler jyldan bastap infroqurylymdy jaqsartý jaǵdaiy qolǵa alynbaq.
- Yrǵyzbai ata kesenesine kelýshilerdiń sany jyldan jylǵa artyp keledi. Biraq ózderińiz biletindei, týristerge qolaily jaǵdai jasaý qajet. Sondyqtan keler jyldan bastap infroqurylymdy jaqsartyp, elektr jelisin tartyp, joldy jóndeýden ótkizý maqsatynda jobalyq-smetalyq qujattar ázirlenýde, - dedi Dildábek Orazbaev.
Aityp ótsek, Yrǵyzbai ata kesenesi Tarbaǵatai aýdany Aqsýat aýylynyń soltústik-batysynda ornalasqan. Ańyz boiynsha Yrǵyzbai Dosqanuly shóptermen túrli dertterdi emdep, synyqshy bolǵan.
