اۋدان باسشىسى ايتىپ وتكەندەي، وسى ۋاقىتقا دەيىن ىرعىزباي اتا كەسەنەسى ەشانداي مەكەمەنىڭ مەنشىگىندە بولماعان. تەك بيىلعى جىلى قۇجاتتارى جوندەلىپ، اۋداندىق مادەنيەت بولىمىنە تاپسىرىلدى. ەندى كەلەر جىلدان باستاپ ينفروقۇرىلىمدى جاقسارتۋ جاعدايى قولعا الىنباق.
- ىرعىزباي اتا كەسەنەسىنە كەلۋشىلەردىڭ سانى جىلدان جىلعا ارتىپ كەلەدى. ءبىراق وزدەرىڭىز بىلەتىندەي، تۋريستەرگە قولايلى جاعداي جاساۋ قاجەت. سوندىقتان كەلەر جىلدان باستاپ ينفروقۇرىلىمدى جاقسارتىپ، ەلەكتر جەلىسىن تارتىپ، جولدى جوندەۋدەن وتكىزۋ ماقساتىندا جوبالىق-سمەتالىق قۇجاتتار ازىرلەنۋدە، - دەدى دىلدابەك ورازبايەۆ.
ايتىپ وتسەك، ىرعىزباي اتا كەسەنەسى تارباعاتاي اۋدانى اقسۋات اۋىلىنىڭ سولتۇستىك-باتىسىندا ورنالاسقان. اڭىز بويىنشا ىرعىزباي دوسقان ۇلى شوپتەرمەن ءتۇرلى دەرتتەردى ەمدەپ، سىنىقشى بولعان.
