Tarbaǵatai aýdanyndaǵy Tuǵyl aýyly bolashaqta mýltimodaldy tranzittik dálizdiń bir bóligi, Resei men Qytaidy bailanystyratyn sý jáne temirjol transshekaralyq toraby bolady.
Tarbaǵatai aýdanynyń ákimi Darhan Jórgekbaev Shyǵys Qazaqstan oblysyn damytýdyń aýqymdy perspektivalary týraly málimdedi, dep habarlaidy Dalanews.kz Bizdin oskemen-ge silteme jasap.
Qazirde Tarbaǵatai aýdanynda bentonit sazdarynyń iri ken orny igerilip jatyr. Qazaqstandyqtar bul ónimdi tanymal «Tagansorbentti» daiyndaý úshin paidalanady.
Darhan Jórgekbaevtyń aitýynsha, qazir ken ornynda 70 adam jumys isteýde. Ótken jyly kásiporynnyń negizgi investory aýysty, jańa investormen birge óndiristi damytý jáne jergilikti halyqty áleýmettik qoldaý boiynsha naqty is-sharalar josparyn ázirlep jatyrmyz. Ken ornyndaǵy óndiris kólemi artyp, qosymsha jumys oryndary ashylady. Taǵy bir megajoba – Qyzylqaiyń molibden-mys ken ornynyń ashylýy. Qazirgi ýaqytta barlaý jumystary júrgizilip jatyr. Aldaǵy jyldary jobalyq-smetalyq qujattardy ázirlep, qurylys jumystaryn bastaýdy josparlap otyrmyz. Aldyn ala esepteýler boiynsha tek qurylys jumystaryna 3 myń adamdy jumyspen qamtý josparlansa, nysan jobalyq qýatyna jetkende 1500 adamdy turaqty jumyspen qamtýdy josparlanýda.
– Zamanaýi áýejai salamyz, Tuǵyl aýylynda ózen porty men temir jol salý josparlanýda – bul jobalar qazirdiń ózinde Úkimettiń Jol kartasyna engizilgen. Tarbaǵataidyń sýbsidiialanatyn shekaralyq aimaq emes, logistikasy damyǵan sý, áýe jáne avtomobil joldarynyń áleýetin paidalanatyn qarqyndy damyp kele jatqan aýdanǵa ainalatynyna senimdimiz. Iri kásiporyndardyń ashylýy jańa jumys oryndarymen qatar salyq túsimderiniń ósýine jáne óńirdiń ekonomikalyq damýyna oń áserin tigizedi , - dedi Tarbaǵatai aýdanynyń ákimi.
