تارباعاتاي اۋدانىنداعى تۇعىل اۋىلى بولاشاقتا مۋلتيمودالدى ترانزيتتىك ءدالىزدىڭ ءبىر بولىگى، رەسەي مەن قىتايدى بايلانىستىراتىن سۋ جانە تەمىرجول ترانسشەكارالىق تورابى بولادى. 
تارباعاتاي اۋدانىنىڭ اكىمى دارحان جورگەكبايەۆ شىعىس قازاقستان وبلىسىن دامىتۋدىڭ اۋقىمدى پەرسپەكتيۆالارى تۋرالى مالىمدەدى،  دەپ حابارلايدى Dalanews.kz Bizdin oskemen-گە سىلتەمە جاساپ.

قازىردە تارباعاتاي اۋدانىندا بەنتونيت سازدارىنىڭ ءىرى كەن ورنى يگەرىلىپ جاتىر. قازاقستاندىقتار بۇل ءونىمدى تانىمال «تاگانسوربەنتتى» دايىنداۋ ءۇشىن پايدالانادى.
دارحان جورگەكبايەۆتىڭ ايتۋىنشا،  ءقازىر كەن ورنىندا 70 ادام جۇمىس ىستەۋدە. وتكەن جىلى كاسىپورىننىڭ نەگىزگى ينۆەستورى اۋىستى، جاڭا ينۆەستورمەن بىرگە ءوندىرىستى دامىتۋ جانە جەرگىلىكتى حالىقتى الەۋمەتتىك قولداۋ بويىنشا ناقتى ءىس-شارالار جوسپارىن ازىرلەپ جاتىرمىز. كەن ورنىنداعى ءوندىرىس كولەمى ارتىپ، قوسىمشا جۇمىس ورىندارى اشىلادى. تاعى ءبىر مەگاجوبا – قىزىلقايىڭ موليبدەن-مىس كەن ورنىنىڭ اشىلۋى. قازىرگى ۋاقىتتا بارلاۋ جۇمىستارى جۇرگىزىلىپ جاتىر. الداعى جىلدارى جوبالىق-سمەتالىق قۇجاتتاردى ازىرلەپ، قۇرىلىس جۇمىستارىن باستاۋدى جوسپارلاپ وتىرمىز. الدىن الا ەسەپتەۋلەر بويىنشا تەك قۇرىلىس جۇمىستارىنا 3 مىڭ ادامدى جۇمىسپەن قامتۋ جوسپارلانسا، نىسان جوبالىق قۋاتىنا جەتكەندە 1500 ادامدى تۇراقتى جۇمىسپەن قامتۋدى جوسپارلانۋدا.

– زاماناۋي اۋەجاي سالامىز، تۇعىل اۋىلىندا وزەن پورتى مەن تەمىر جول سالۋ جوسپارلانۋدا – بۇل جوبالار ءقازىردىڭ وزىندە ۇكىمەتتىڭ جول كارتاسىنا ەنگىزىلگەن. تارباعاتايدىڭ سۋبسيديالاناتىن شەكارالىق ايماق ەمەس، لوگيستيكاسى دامىعان سۋ، اۋە جانە اۆتوموبيل جولدارىنىڭ الەۋەتىن پايدالاناتىن قارقىندى دامىپ كەلە جاتقان اۋدانعا اينالاتىنىنا سەنىمدىمىز. ءىرى كاسىپورىنداردىڭ اشىلۋى جاڭا جۇمىس ورىندارىمەن قاتار سالىق تۇسىمدەرىنىڭ وسۋىنە جانە ءوڭىردىڭ ەكونوميكالىق دامۋىنا وڭ اسەرىن تيگىزەدى ، - دەدى تارباعاتاي اۋدانىنىڭ اكىمى.