Oqiǵa Taraz qalasyndaǵy 6-yqshamýdanyndaǵy 18-shi úide bolǵan. Politsiia qyzmetkerleri men jedel járdem jumys istep jatyr. Kýágerlerdiń málimetinshe, oqiǵa ornynda atys bolǵan. Tengrinews.kz tilshisine №1 qalalyq aýrýhananyń qabyldaý bólimine, jansaqtaý bólimine aýyr jaǵdaida eki adam túsken. Qazirgi ýaqytta olarǵa ota jasalýda.
– 19 maýsymda 16.30-da «Boryshker» jedel-izdestirý sharasyn júrgizý barysynda politsiia qyzmetkeri qarý-jaraq alyp júrý derekterin anyqtaý boiynsha tekseris júrgizdi. Tarazdyń yqshamaýdandarynyń birinde belgisiz bireý anyqtalmaǵan qarýmen politsiia qyzmetkerin atqan. Ustaý kezinde kúdikti jaralandy. Qazirgi ýaqytta politsiia qyzmetkeri men kúdikti aýrýhanaǵa tústi, – dep habarlady Jambyl oblystyq IID baspasóz ókilderi.
Politsiianyń málimetinshe, atys kezinde jaraqat alǵan jigit buryn sotty bolǵan. IID Dini ekstremizmmen kúres jónindegi basqarmanyń esebindegi málimet boiynsha, kúdikti dini ekstremist emes.
– Qazirgi ýaqytta oqiǵanyń mán-jaiyn anyqtaý jáne oqiǵaǵa qatysqandardy anyqtaý maqsatynda jedel-izdestirý sharalary júrip jatyr. Oqiǵanyń jai-japsary anyqtalyp jatyr, – dep habarlady IID ókilderi.
https://www.youtube.com/watch?v=I0DkMpPhhCU
