وقيعا تاراز قالاسىنداعى 6-ىقشامۋدانىنداعى 18ء-شى ۇيدە بولعان. پوليسيا قىزمەتكەرلەرى مەن جەدەل جاردەم جۇمىس ىستەپ جاتىر. كۋاگەرلەردىڭ مالىمەتىنشە، وقيعا ورنىندا اتىس بولعان. Tengrinews.kz تىلشىسىنە №1 قالالىق اۋرۋحانانىڭ قابىلداۋ بولىمىنە، جانساقتاۋ بولىمىنە اۋىر جاعدايدا ەكى ادام تۇسكەن. قازىرگى ۋاقىتتا ولارعا وتا جاسالۋدا.
جەرگىلىكتى قۇقىق قورعاۋ ورگاندارى تارازداعى اتىستىڭ ءدىني ەكسترەميزمگە قاتىسى جوق ەكەنىن مالىمدەدى.
– 19 ماۋسىمدا 16.30-دا «بورىشكەر» جەدەل-ىزدەستىرۋ شاراسىن جۇرگىزۋ بارىسىندا پوليسيا قىزمەتكەرى قارۋ-جاراق الىپ ءجۇرۋ دەرەكتەرىن انىقتاۋ بويىنشا تەكسەرىس جۇرگىزدى. تارازدىڭ ىقشاماۋداندارىنىڭ بىرىندە بەلگىسىز بىرەۋ انىقتالماعان قارۋمەن پوليسيا قىزمەتكەرىن اتقان. ۇستاۋ كەزىندە كۇدىكتى جارالاندى. قازىرگى ۋاقىتتا پوليسيا قىزمەتكەرى مەن كۇدىكتى اۋرۋحاناعا ءتۇستى، – دەپ حابارلادى جامبىل وبلىستىق ءىىد باسپا ءسوز وكىلدەرى.
پوليسيانىڭ مالىمەتىنشە، اتىس كەزىندە جاراقات العان جىگىت بۇرىن سوتتى بولعان. ءىىد ءدىني ەكسترەميزممەن كۇرەس جونىندەگى باسقارمانىڭ ەسەبىندەگى مالىمەت بويىنشا، كۇدىكتى ءدىني ەكسترەميست ەمەس.
– قازىرگى ۋاقىتتا وقيعانىڭ ءمان-جايىن انىقتاۋ جانە وقيعاعا قاتىسقانداردى انىقتاۋ ماقساتىندا جەدەل-ىزدەستىرۋ شارالارى ءجۇرىپ جاتىر. وقيعانىڭ جاي-جاپسارى انىقتالىپ جاتىر، – دەپ حابارلادى ءىىد وكىلدەرى.
https://www.youtube.com/watch؟v=I0DkMpPhhCU
