Tarazda jasóspirim basqa bir jetkinshekpen tóbelesten keiin kóz jumdy, dep habarlaidy Dalanews.kz.
Áleýmettik jelilerde taraǵan aqparatty qaladaǵy bilim bólimi rastady.
Informbiýro málimetinshe, oqiǵa 1 qyrkúiek kúni oqý ornynyń aýmaǵynan tys jerde, buryn bir-birin tanymaityn oqýshylardyń arasynda bolǵan. Jasóspirimderdiń biri pyshaq jaraqatyn alyp, qaitys boldy.
"Qaqtyǵys turmystyq sebepterge bailanysty shyqqan. Eki mekteptiń oqýshylary arasyndaǵy tóbeles týraly aqparat shyndyqqa sáikes kelmeidi. Toptyq tóbeles faktileri anyqtalǵan joq. Politsiia dereginshe, kúdikti ustalyp, ýaqytsha ustaý izoliatoryna qamaldy, tergeý amaldary júrgizilip jatyr", – delingen habarlamada.
Bilim bóliminiń málimetinshe, óńirde jastar arasyndaǵy profilaktikalyq sharalar kúsheitildi.
